Jan van ost als procur(eur) der weduwe(n) van duysborch ende/ meest(er) jans huers soens heeft in rechte inde banck voir/ meye(r) en(de) scepen(en) va(n) loven(en) d(air) gheert speelma(n)s als gelyt ond(er)/ den ande(re)n tot hue(re)n goede(n) en(de) hem die hebben(de) doen leve(re)n/ beg(eer)de met vo(n)nisse hem die aengewese(n) te worde(n) om zijn/ gebrek(en) d(air)aen te v(er)hale(n) geloeft en(de) gep(rese)nteert die rinte/ te doen veronderpanden en(de) de pande ov(er) te geve(n) in/ gescrifte met hue(re)r weerden en(de) lasten bynne(n) acht dage(n)/ naestcomen(de) en(de) d(air)af behoirlijke vestich(eit) te doene en(de)/ voirt te doen betalen alle v(er)lopen rinten costen en(de) laste(n)/ d(air)op gegaen nae dat hij die costen en(de) lasten ov(er)gehadt/ sal hebbe(n) in gescrifte en(de) die gediminueert en(de) zij getaxeert/ sullen zijn en(de) dit al bynne(n) viii dagen dair nae ov(er)geven(de)/ wair des bynne(n) dien tijde niet en gebuerde dat den/ selve(n) speelma(n)ne zijn vo(n)nisse inder saken wordd(en) geg(even)/ zonder meer opposicien d(air) inne te geschien In scampno/ cor(am) scabinis augusti xxvi