SAL7373, Act: R°65.1 (168 of 786)
Search Act
previous | next
Act R°65.1  
Act
Date: 1479-09-18

Transcription

2019-01-22 by Greet Foblets
Want bauduin ries als geleit na deser stat recht tot allen den goede(n) have/
en(de) erve jans cabo des jonghen voir [een] seke(re) so(m)me van pe(n)ninge(n) d(air) voe(r) hij den/
selve(n) na des(er) stat recht wettelijc heeft vergicht hem metter stat brieve(n) gescr(even)/
aende(n) bailiu van geldenake hadde doen leve(re)n alle de selve goede en(de) besund(er)t/
zeke(re) pe(n)ninge beloepen(de) t(er) so(m)men van vijf r(ijns) gul(den) xvii(½) st(uvers) van dien ix r(ijns) g(ulden) xii/
stuv(er)s die gecome(n) wae(re)n van eene(n) broussele biers dat de selve cabo gebrouwe(n)/
hadde d(air) af tsurpl[(us)] gegaen was aender stat assise(n) van geldenake en(de) aen seke(re)/
coste(n) bij cabo gedaen en(de) oic aende(n) ghene(n) die dbier gepe(n)neweert hadde/
en(de) dach van rechte doen bescheide(n) tot seke(re)n voirleden(en) dage(n) den selve(n) cabo/
die tot op hede(n) vast sijn verstreke(n) en(de) ge(con)tinueert dair de selver cabo/
niet come(n) en es den voirs(creven) baud(uine) trecht voort versuek(ende) Soe hebbe(n) de scepen(en)/
van lov(en) t(er) maniss(en) smeyers gewijst met vo(n)nisse [na] dat genoech geblek(en) es dat de(n)/
vors(creven) baud(uin) de vors(creven) v r(ijns) g(ulden) xvii(½) st(uvers) bijd(er) vors(creven) officie(n) gelev(er)t sijn en(de) cabo d(air)/
af genoech de weete heeft gehadt datme(n) den vors(creven) baud(uine) vand(en) vors(creven) goede(n)/
houde(n) soude inde macht van sijne(n) voirs(creven) beleide zoe v(er)re dat noch voir scep(enen)/
come(n) was In scampno cor(am) scab(in)is p(re)dict(is) eod(em)
ContributorsGreet Stevens
Moderated byGreet Stevens
Last update: 2016-11-15 by Jos Jonckheer