It(em) jan ende wouter bog(ar)t gebruede(re)n zone(n) goirts beyde wonen(de)/ te ev(er)sberghe in p(rese)ncia hebbe(n) genome(n) en(de) bekint dat zij/ genome(n) hebben van henricke de raet p(ro)cur(eur) des godshuys/ va(n) ev(er)bode inden name en(de) va(n) wege(n) desselfs alle de lande/ en(de) goede des voirscr(even) godshuys alsoe v(er)re die inde p(ro)chien/ va(n) m(eer)beke en(de) va(n) ev(er)sberghe gelegen zijn en(de) gelijckerwijs als/ arnt wile(n) de becke(r) voe(r) laur(eys) en(de) jan zijn zone(n) nae en(de) d(aer)nae/ jan yden in jaerschare(n) gehoude(n) hebbe(n) Te houde(n) te hebbe(n) en(de)/ te wynne(n) va(n) half m(er)te lestleden eene(n) t(er)mijne(n) van neghen/ jae(re)n lanck deen nae dander zonder middel v(er)volgen(de) Elx/ jae(r)s d(aer)enbynne(n) om en(de) voe(r) drie mudden rox drie mol(evaten) erwete(n)/ en(de) neghe(n) mudden even(en) elx grains goet en(de) payabel met/ wa(n)ne en(de) vlogele(n) wel bereyt d(er) mate(n) va(n) loven(en) alle/ jae(re) sinte andr(ies)misse apostels te betale(n) en(de) te loven(en) inde/ h(er)berge svoirs(creven) godshuys te leve(re)n alle jaire den voirs(creven) t(er)mijn/ due(re)nde quol(ibet) ass(ecutu)[m] Item sele(n) de voirscr(even) wynne de voirscr(even)/ lande besayt laten en(de) gewonne(n) tot hue(re)n afscheyde(n) gelijck/ en(de) inde manie(re)n als h(ier)nae volcht Te weten(e) drie dach(mael)/ lants [ae(n) calckenberch drie dach(mael)] aende h(er)berge neve(n) de to(m)me drie dach(mael) ae(n) coma(n)s/ willige een dach(mael) aende grebbe en(de) een dach(mael) ae(n)de laethage/ al met rogghe besayt en(de) vijf dach(mael) ende een half storte/ eens omgedaen Item sele(n) de voirscr(even) wynne de voirs(creven) lande/ wel ende loflijck wynne(n) ende werven gelijck reengenote(n) bove(n)/ en(de) beneden den voirscr(even) t(er)mijn due(re)nde Ende alle dese vorw(er)d(en)/ cor(am) berthem moelen julii xii