It(em) alart de clyeve(re) in p(rese)ncia heeft geloeft voir hem zijne(n)/ erfgename(n) en(de) nacomelingen arnde de(n) witte meye(r) nu t(er) tijt te
//
he(re)nt voir hem zijne(n) erve(n) ende nacomelinge(n) dat hij alle/ jae(re) dragen ende betale(n) sal aen (christ)iaen va(n) dyeve(n) alsulke/ zesse crone(n) va(n) neghen crone(n) erflijck als de selve (christ)iaen heeft/ met scepen(en) brieve(n) va(n) loven(en) op twee huyse(n) neve(n) een geleg(en)/ deen geheete(n) ons(er) lieve(r) v(rou)wen huys des voirs(creven) arnts ende/ dander geheete(n) den salm des voirs(creven) alarts talle(n) t(er)mijne(n) als/ die valle(n) en(de) v(er)schijne(n) sele(n) alsoe in tijts dat den voirs(creven) arnde/ noch zijne(n) voirs(creven) goeden d(aer)af gheene schade en come heeft/ voirt geloeft den voirs(creven) arnde dat hij t(er) manisse(n) desselfs arts/ de voirs(creven) zesse crone(n) erflijck losse(n) en(de) afquite(n) sal oft op ande(re)/ pande(n) bewijse(n) alsoe dat de selve arnt en(de) zijne voirs(creven) goede/ d(aer)af tot eeuwige(n) dage(n) los en(de) quijt sulle(n) zijn en(de) bliven/ geloven(de) voirt oft de voirs(creven) arnt oft oick zijne voirs(creven) goede/ e(n)nichssins d(aer)voe(r) gepraemt word(en) cost oft last d(aer)om hadden he(m)/ alle die coste(n) en(de) laste(n) zij ware(n) va(n) rechte oft ande(re) op te/ legge(n) en(de) te betale(n) t(am)q(uam) ass(ecutu)[m] cor(am) berthem reth(eman) julii xiii