Wij borg(er)meestere(n) scepen(en) ende rade der stad van loeven(e) doen/ cond allen luden certifice(re)nde mits desen dat voir ons come(n) sijn/ jan laermans en(de) gielijs belmans geco(m)mitteerde inde(n) name en(de) van/ wegen der ondersete(n) mids behoirliker p(ro)curacie(n) vand(en) dorpe ende/ ingeseten(en) van meerhout aenleggers in deen zijde hee(re)n werne(r)/ en(de) bertel(meeus) abde en(de) p(re)late der godshuysen van everbode en(de) van/ tong(er)loe inde(n) name der selver godshuysen verweerde(re)n in dande(re)/ Om tgescille tusschen hen geport aengaen(de) der mede (con)tribucien/ van beden en(de) ande(re)n gebuerlike(n) rechte(n) die de voirs(creven) van meerhout/ meynde(n) te hebbe(n) vanden goeden der voirs(creven) godshuysen onder hen geleg(en)/ en(de) des dair aen cleeft d(air)af de voirs(creven) p(re)late(n) meynde(n) ongehoude(n)/ te wesen mits seke(re)n reden(en) die elcke vand(en) voirs(creven) p(ar)tie(n) tot sijne(n)/ voirneme(n) dienen(de) dair toe alligeerde Ende nae dat soe bij/ onsen voirsate(n) in wette en(de) ons de voirs(creven) sake alsoe verre verhandelt/ is geweest bij gescrifte en(de) monde der voirs(creven) p(ar)tien oft hue(re)n p(ro)cur(eur)s/ dat aensprake verantwerde(n) thoenisse en(de) al des elcker p(ar)tie(n)/ geliefde over te geve(n) ende te segge(n) vergadert sijn hebben wij opde(n)/ dach va(n) heden in onsen rade d(air)o(m)me vergadert op de selve/ geschillen gedaen en(de) gepronu(n)cieert onse uuytsprake va(n) rechte/ en(de) appointeme(n)t inder manie(re)n ende forme(n) alsoe hier nae volgt/ van woorde te woorde Aengesien en(de) gevisenteert tproces/ hangen(de) voir de wethoude(re)n vanden rade vand(er) stad van loeven(e)/ tusschen dingeseten(en) van meerhout aenleggers ter eenre en(de)/ de prelate(n) der godshuysen van ev(er)bode en(de) van tong(er)loe ter/ ande(r) zijden om de mede contribucie vand(er) beden die de voirs(creven)/ van meerhout meynden te hebben van allen den goeden der voirs(creven)/ godsh(uysen) tot meerhout geleg(en) en(de) den bedrive dat zij met hue(re)n/ beesten ald(air) hadden opter gemeynd(er) vroente(n) en(de) dat de selve/ p(re)late d(air) af staen souden tot gebuerliken rechte en(de) tot dien/ dat elc vand(en) prelate(n) ald(air) setten souden eene(n) weerlike(n) laet/ op dat de voirs(creven) van meerhout de voirs(creven) mede contribucie ende/ gebuerlich(eyt) aen de late souden doen exeque(re)n alsoe dat gewoenlic/ wae(r) geweest van ouden tiden gelijc zij opdede(n) D(air) af de/ voirs(creven) prelate sustine(re)nde de contrarie meynde(n) ongehoude(n)/ te wesen gemerct dat de goede van hue(re)n hoeve(n) die zij/ ald(air) liggen(de) hadden van ov(er) hondert en(de) vijftich jaer en(de) d(air) bove(n)/ den godshuysen hadden toebehoirt en(de) dat die van ov(er) hondert/ en viertich jaer geamortiseert wa(r)en geweest en(de) al eer dinstructie/ vand(er) beden bijden lande gemaect wa(r)en oic stonden dese goede/ ten laste van bede(n) als hue(r) oude geamortiseerde goede/ metten state vand(en) p(re)laten ende wa(r)en begrepen onder dande(r)
//
goede vand(en) godsh(uysen) tot dien laste staende en(de) alsoe en consten/ die nae recht van dien meerhout niet gelast geworden/ en(de) al hadden dan de voirs(creven) van meerhout van hue(re)n laten tot e(n)nig(er)/ tijt vand(en) cloeste(re)n goede bede geeyscht oft genomen dat wae(r)/ geschiet bute(n) hue(re)n weten(e) ende als zijt gewete(n) hebben/ is dat geweygert geweest oft zij hadden somwile uut gr(aci)en/ den voirs(creven) van meerhout te hulpen gecome(n) met p(ro)testacie(n) van/ non p(re)judijs ende anders niet bij hue(re)n weten(e) oic seyden zij al/ conste(n) de voirs(creven) van meerhout bewijsen dat hue(r) laten tot e(n)nig(er)/ tijt van der godsh(uysen) goede bede betaelt hadden dat de selve/ van meerhout dair af jege(n) de heylige kercke nae recht sond(er)/ ande(re)n tijtel egheen prescripcie geallige(re)n en soude(n) moegen/ noch tot hue(re)n vordele getrecke(n) ende als vand(en) laet seyden/ de p(re)late dat elc van hen heeft op sijne hoeve(n) eene(n) laet/ dien zij niet verantwerde(n) en wouden mair lieten dien staen/ op sijn beloep van sijne(n) goeden en(de) bedrive ten gebuerlike(n) rechte/ gelijc ande(re)n ond(er)sete(n) hopen(de) dair mede te gestaen en(de) dat/ zij en(de) hue(r) goede voirs(creven) vand(en) eyssche soude(n) worde(n) geabsolveert/ Es bijden selve(n) wethoude(re)n aengehoert thoenisse brieve/ registre(n) ande(re) munime(n)te en(de) informacie(n) van rechte die elc vand(er)/ p(ar)tie(n) bij gescrifte oft monde hebben gedae(n) geappointeert dat/ de voirs(creven) p(re)late van hue(re)n ouden geamortiseerden goeden d(air) af/ zij metten p(re)laten ind(er) beden (con)tribue(re)n ongelast selen blive(n) van/ dien van meerhout Mair betalen en(de) staen te laste metten/ selve(n) van meerhout van hue(re)n ande(re)n vercregen(en) oft aengevallen(en)/ goeden niet geamortiseert die voir den vercrige ten laste/ vand(en) dorpe stonde(n) oft verlooft zijn soe verre de godshuysen/ die ald(air) moege(n) hebben Desgelijcx oic vand(en) bedrive van/ hue(re)n beeste(n) der gemeynder vroenten d(air) inne de prelate/ besund(er) gheene geamortiseerde erflich(eit) en hebben gebruyken(de)/ dair af zij jege(n) den laet tvervuede(n) deylen en(de) de quote/ van alsulcken goeden en(de) bedrive sullen de voirs(creven) va(n) meerhout/ oft zij gebrec d(air) af hebben moege(n) doen execute(re)n metten/ gerichte ald(air) over der prelate(n) beesten oft vruchte(n) van/ hue(re)n goeden ald(air) behoudelic oft de prelaten oft e(n)nich/ van hen mids p(ri)vilegien vand(en) p(ri)nce sond(er) mede co(n)tribucie/ ind(er) beden van hue(re)n bedrive van beeste(n) te doen meynde(n)/ vrij te blive(n) dat sij dat sele(n) moege(n) volgen ter plaetsen dairt/ behoert Due(re)nde dacht(er)volgen van desen appointeme(n)te/ tot d(er)re tijt toe dat bijden prince ende staten vand(en) lande
//
mids nuwer reformacie(n) van taxe der beden oft instructie(n) dair/ op dienen(de) anders namaels sal worde(n) geordineert ende mids/ reden(en) ende saken den voirs(creven) weth(ouderen) dair toe porren(de) hebben zij/ de costen inder saken gelede(n) van beyde(n) p(ar)tien gecompenseert/ Ende om dat dese saken aldus acht(er)volcht soude(n) worde(n)/ en(de) onderhouden onverbrekelijc en(de) in kinnessen van dat/ alle sake voirger(uert) voir ons geschiet en(de) in rechte overleden/ sijn hebben wij borg(er)meeste(re)n (et)c(etera) den segel ten sake(n) der/ selver stad aen dese l(ette)ren doen hange(n) opte(n) xxiiii[te(n)] dach/ van meye/

Sc(ri)pte su(n)t de (con)s(es)s(i)[o(n)e]/ op(idi) ex isto due/ certif(icati)[o(n)es] in p(er)gameno/ sub sigillo op(idi)/ sub hac forma/ p(ro) a(m)bob[(us)] p(re)latis/ et joh(ann)es de porta/ s(er)vitor d(omi)ni ev(er)bod(iensis)/ h(abet) ambas

Si(mi)l(ite)r fiet illis de/ meerhout si/ petant una/

Ip(s)i de meerhout/ s(olidi) (sunt) vii stuferos min[(us)]/xviii s... xx st(uferos)/ et m(eer)hout/ habent una(m)