Item claus de kersmake(re) zone wile(n) claes en(de) jouffr(ouwe) g(er)truyt wittema(n)s/ zijn wijf in p(rese)ncia hebben gekint en(de) gelijdt dat zij gehave(n) hebbe(n)/ en(de) ontfange(n) vande(n) eerweerdige(n) vader in gode m(ijnen) hee(re) de(n) abt/ des cloest(er)s va(n) ev(er)bode de so(m)me va(n) ii[c] rinssche gul(den) te/ xx stuv(er)s tstuck die de selve abt hem sculdich was van/ verlett(er) lijfrinte(n) vand(en) vijf voirleden(en) ja(r)en d(air)af dleste was/ te half m(er)te lestlede(n) van dien xl rinssche gul(den) lijfpen(sien)/ die de selve jouffr(ouwe) g(er)truyt jairlijx heeft tot zijne(n) hue(re)n live opt/ voirscr(even) godsh(uyse) Ende hebbe(n) alsoe de selve gehuyssche(n) volcomel(ic)/ quijtgescouwe(n) tvoirscr(even) godsh(uyse) de goede desselfs en(de) alle ande(re)/ des quitan(cien) behoeven(de) vande(n) voirscr(even) t(er)mijne(n) en(de) alle(n) ande(re)n/ voirleden(en) t(er)mijne(n) promitt(entes) null(atenus) alloqui Consente(re)nde willecoren(de)/ en(de) ov(er)geven(de) mits desen de voirscr(even) gehuyssche(n) dat den voirscr(even)/ p(re)laet volgen en(de) gerestitueert worden alsulke xl rinssche gul(den)/ alse hij tande(re)n tijden inde greffe vand(er) cancellerien [in brab(ant)] bij decrete/ va(n)den hee(re)n aldair heeft geset mids den gescille dat ald(air) was/ van des(en) rinten tusschen de voirscr(even) gehuyssche(n) cor(am) berthem reth(eman)/ maii xxvi