Wij goirdt rethema(n) en(de) arndt vander moele(n) scepen(en) te loven(e)/ doen condt en(de) kenlijck [eene(n) yeg(eliken)] dat opden dach van heden datu(m) va(n) desen/ voir ons come(n) zijn in prope(re)n p(er)sonen her jan van loe p(ri)este(r) p(ro)chiae(n)/ van wiltsele jan van elsbroeck matheeus colx ende jan/ goederthuys als segge(re)n ende mi(n)lijcke yffene(re)n gecoren ende/ genome(n) van he(re)n janne van dyeve(n) p(ri)este(r) renu(n)cie(re)nde d tot/ des nae bescreve(n) es allen p(ri)vilegien d(er) eerw(er)diger univ(er)siteyt/ van loven(e) en(de) ande(re) ende symone va(n) wesenbeke t(er) eender/ zijden ende janne van leeuwe t(er) ande(re) Van ende op/ alsulken geschillen questien ende dissencien als de voirscr(even)/ p(ar)tien tot malcande(re)n uuytstaen(de) hebben het zij van/ realen p(er)sonele(n) oft civilen materien div(er)sen pointe(n) en(de)/ articule(n) aengaen(de) dair inne de voirscr(even) p(ar)tien meynden/ gericht te zijne ende dair aff zij hen gesubmitteerde(n) hebbe(n) voe(r) scep(enen)/[van loeven(e) opte(n) xxvii dach van m(er)te lestled(en)] inde eendrechtige uuytsprake der voirscr(even) segg(er)s ende/ geloefd(en) op eene pene oft abanduyn van hondert crone(n) te/ lxxii pl(a)c(ken) tstuck tderdel d(air)af tot behoeff ons gened(ichs) he(re)n/ tshertogen va(n) oesterijck va(n) brab(ant) (et)c(etera) tderdel d(air)af tot behoef vand(en)/ he(re) dair onder de gebreclijke bevonde(n) sal worden en(de) tderde/ derdendeel tot behoeff vand(er) p(ar)tien die des voirscr(even) es acht(er)volchde/ de selve hue(r) uuytsprake tonderhouden en(de) te voldoene geloven(de)/ voirts de selve p(ar)tien op den voirscr(even) banduyn dat zij deen/ dande(r) bynne(n) den yersten drie ja(r)en toecomen(de) van gheend(er)hande/ sake(n) hoedanich die ware(n) nader navolgen(de) uuytsprake(n) en/ sulle(n) moege(n) vexe(re)n noch moeyen [va(n) gheene(n) ande(re)n saken] in gheene(n) rechte het/ en zij bij consente van twee d(er) voirscr(even) segg(er)s van elker/ zijden een alle fraude en(de) argelist in desen uuytgescheyden/ Ende hebbe(n) mids dese(n) hebbe(n) de voirscr(even) arbit(er)s navolgende der/ voirscr(even) submissien bij p(ar)tien gemaect en(de) bynnen den tijde bij [zij dat v(er)mochte(n) acht(er) volgen(de) d(er)] contumacien der selv(er) submissien [gesciet maii? xxiiii le oic lestled(en)] hue(r) uuytsprake gedaen en(de)/ eendrechtelijck gepronu(n)cieert inder manie(re)n h(ier)nae volghende/ Ende inden yersten op tpoint oft artikel aengaen(de) den twee/ saluyte(n) erffelijcker rinte(n) en(de) des d(air)aen cleve(n) mach d(air)af [beyde] de voirs(creven)
//
/ p(ar)tien eysch gemaect hebbe(n) (et)c(etera) Es der segge(re)n uuytsprake dat/ symoen van wesenbeke navolgen(de) zeke(re)n vo(n)nissen [der scepen(en)]/ der scepen(en) van loven(e) gehouden sal zijn janne van leeuwe/ op te leggen(e) de coste(n) van rechte in dien stucke ghelede(n)/ ter taxacien der voirscr(even) segg(er)s ende mids desen sulle(n) p(ar)tie(n)/ van hue(re)n beyden eysschen aengaen(de) dien beslicht zijn ende/ bliven Ende op tpoint vande(n) costen uuytgesproken bij arnold(e)/ kyp en(de) meest(er) janne wijlen calaber secretar(is) d(er) stat van loven(e)/ die symoen eyscht es der segge(re)n uuytsprake dat soe v(er)re/ jan van leeuwe den eedt doet navolgende den overgeven(e)/ van symoen(e) als dat hij nader uuytsp(ra)ken voirg(eruert) tgebreck/ der costen geheelijck betaelt oft gesedt heeft tot symoe(n)s/ behoeff dat hij in dien gevalle van dien costen ongehoud(en)/ sal zijn Ende in gebreke van dien ende den voirscreven(en)/ symoen(e) zijne(n) eedt doende gelijck hij dien p(rese)nteert dat he(m)/ dan jan van leeuwe he sculdich sal zijn op te leggen(e)/ de costen die hij ve(r)ifice(re)n sal hem gebreken(de) Ende/ aengaen(de) den pointe vanden weghe die symoen geeyscht/ heeft te hebben(e) over jans erve es der segge(re)n uuytsp(ra)ke/ dat symone ende zijne(n) erfgename(n) tgebruyck vanden selve(n)/ weghe volgen sal met tijtveerdigen vruchte(n) en(de) altijt/ ter mi(n)ster schaden tot eeuwige(n) dagen Het en zij dat/ de voirscr(even) vier segg(er)s eendrechtelijck en(de) samentlijck/ p(ro)nu(n)cie(re)n sullen dat den selve(n) janne van leeuwe dactie va(n)/ dien te moege(n) wederstaen sal werden ge(re)seveert Ende/ als vand(en) articule sprekende vand(en) ongebruycke afgedae(n)/ te hebben(e) van eender goten liggende onder jans van leeuwe/ osendrup spruyten(de) uuyter dijlen tot achter in jans van/ leeuwe boeg(ar)t es der segge(re)n uuytsprake dat die gote en(de)/ wat(er)loop janne va(n) leeuwe blive(n) sulle(n) doer tscildeken bij
//
/ vrouwep(er)cke eeussel gelijckerwijs dat de segg(er)s dat bewijsen/ sulle(n) ter mi(n)ster schaden om dair doe(r) te moegen leyden bij/ janne van leeuwe beyde suet en(de) mest water comen(de) in/ des voirscr(even) jans erve en(de) uuytgaen(e) Ende aengaen(de) den/ sluysrechte van jans van leeuwe scepe es der segge(re)n/ uuytsprake dat jan van leeuwe gestaen sal met te betalen(e)/ tsluysrecht va(n) ongevrijdde(n) goede(n) dwelck hij van nu voirtane/ vue(re)n oft bringen sal en(de) al nader ouder gewoente(n) gelijck alle/ ande(re) p(er)sone van gelijcken sculdich zijn te doen(e) Ende als/ vanden voirleden(en) ja(r)en d(air)aff symoen eysch maect dairaff/ sal jan van leeuwe ongehouden zijn Ende op tpoint/ aengaen(de) der sluyse(n) dijcke en(de) bruggen dat jan van leeuwe/ dair ov(er) gheen bewint hebben en soude hij en soudse/ hulpe(n) make(n) (et)c(etera) es der segge(re)n uuytsprake dat jan zijn/ bewint hebbe(n) sal over de sluyse gelijck hij va(n) outs gedae(n)/ heeft en(de) zonder d(air)aen e(n)nige merkelijcke schade te moege(n)/ doe(n) Ende als vander bruggen es der segge(re)n uuytsprake/ dat symoen die sculdich sal zijn te stellen(e) en(de) te repare(re)n/ in alsulke(n) state als die was eer symoen die yngde mi(n)derde/ oft h(er)leyde oft dede inghen mi(n)de(re)n oft h(er)legge(n) ende/ alsoe sal jan van leeuwe gelijck hij van outs geploge(n)/ heeft dier moegen gebruycken tot aender tijt toe dat/ symoen den selven ja(n)ne en(de) ande(re) d(air)over lijden(de) vand(en) selve(n)/ rechte ge(condem)pneert sal word hebbe(n) met rechte Ende als/ vande(n) dijke es der segge(re)n uuytsprake dat jan dies/ gebruycken sal gelijk hij oick van outs gedaen heeft En(de)/ als vande(n) costen bij janne van leeuwe geeyscht in zij(n) xi[te]/ artikel geschiet te bruessele en(de) te loven(e) om de voirscr(even)/ brugge gemaect te hebben(e) (et)c(etera) desgelijx vand(er) schaden zijnd(er)/ vruchte(n) es d(er) segge(re)n uuytsp(ra)ke dat symoen d(air)voe(r) ja(n)ne/ van leeuwe betalen sal drie rinssche guld(en) te lx pl(a)c(ken)/ tstuck Ende aengaen(de) den trappen putsel sluysen en(de) scepe
//
/ es der segge(re)n uuytsprake dat jan van leeuwe dier gebruyke(n)/ sal alsoe hij van outs gedaen heeft zonder nochtans/ den selve(n) symone d(air)aen e(n)nige m(er)kelijcke schade te doen/ Ende aengaen(de) den costen d(air)aff beyde de voirscr(even) p(ar)tien eysch/ maken gedaen mids den popele(re) es d(er) segge(re)n uuytsp(ra)ke/ dat symoen van westenbeke betale(n) sal janne va(n) leeuwe/ voe(r) de costen geschiet int vorste proces vier en(de) eene(n) halve(n)/ rinssche gul(den) inden p(roces)se voirscr(even) Ende als vand(en) popelere/ dat dien bliven sal aldair hij nu es zonder nochtans/ yema(n)ts p(re)judijs vander p(ro)p(ri)eteyt der erven d(air) hij gestaen/ heeft Ende als vanden costen aengaen(de) der palingen sal/ eenyegelijck d(er) selver p(ar)tien dragen zijn costen Ende op/ tpoint vande(n) costen van xxxi stuv(er)s min vi s(chillingen) die jan/ van leeuwe geleden heeft inden gedinge voir meye(r) en(de)/ scepen(en) va(n) loven(e) om d(er) zesse rinssche guld(en) wille (et)c(etera)/ es der segge(re)n uuytsprake dat symoen den selve(n) ja(n)ne/ die opleggen en(de) betale(n) sal Item aengaen(de) den costen/ te rotselair gedae(n) en(de) die jan van leeuwe eysschen(de) es/ es der segge(re)n uuytsprake dat symoen d(air)aff betalen sal/ janne van leeuwe drie en(de) eene(n) halve(n) r(inssche) g(ulden) ten p(ri)se/ als vo(r)e en(de) thien pl(a)c(ken) soe v(er)re symoen d(air)af gheen/ betalinge janne gedaen en heeft Ende voirts op tpoint/ sprekende vanden oeve(r) vander dijlen es der segge(re)n uuytsp(ra)ke/ dat symoen hem selve(n) en(de) zijne(n) molde(r) oft den ghene(n) die/ dbewint vand(er) sluysen hebben sal in dien hebben sal/ dat zij voirtane de sluyse en(de) wintgate vand(er) sluysen/ gelijclijck optrecken sullen alsoe dat den oeve(r) vander/ dijlen beneden d(er) sluysen niet meer op deen zijde dan/ op dande(re) gequets en worde mids desselfs optreckens/ wille Ende als vand(en) maken(e) en(de) onderhouden(e) vanden/ voirscr(even) oeve(r) dat houden de segg(er)s te henw(er)ts te he(n)w(er)ts/ mids zeke(re)n reden(en) tot m(er)te naestcomen(de) Ende oft alsdan inde/ segg(er)s gebreck viele vand(en) uuytspraken dairaf te doen(e)
//
/ sal eenyegelijck der voirscr(even) p(ar)tien staen onv(er)let om zijn recht/ te sueken(e) niet wederstaende d(er) clausule(n) inder submissien/ begrepen als dat zij bynne(n) drie ja(r)en deen tege(n) den ande(re)n/ niet dedingen en souden Ende aengaen(de) den pointe va(n) wile(n)/ jans bloems sculden gedragen(de) lxvii stuv(er)s een pl(a)c(ke) van/ montcoste en(de) cleynen pe(n)neweerden en(de) vii st(uvers) van thienden/ es der segge(re)n uuytsprake soe wes jan van leeuwe oft/ zijn huysvrouwe en(de) elck van hen alsoe v(er)re het he(n)/ aencleeft derven houden ten heyligen dat jan bloems hen/ sculdich was en(de) bleeff ten tijde van zijnder aflivich(eit) dat/ symoen hen dat oplegge(n) en(de) betalen sal mids d(er) geluefte(n)/ bij symone gedaen Ende op tpoint aengaen(de) den br(ieve)/ en(de) guedinge(n) vander ca(m)men met zijnder toebehoirte(n) (et)c(etera) es/ der segge(re)n uuytsp(ra)ke dat des voirs(creven) jans van leeuwe/ guedingebr(ieve) bij h(er) janne van dyeve(n) en(de) marien zijnder docht(er)/ gedae(n) besegelt mette(n) segele der scepen(en) van wiltsele sal/ zijn en(de) blive(n) van weerden tott(er) tijt toe dat de voirs(creven) vier/ segg(er)s en(de) nyema(n)t anders samentlijck en(de) eendrechtelijck/ sulle(n) hebben geseyt dien van onweerden te wesen Ende/ dat symoen van wesenbeke en(de) zijn wijff navolgen(de) den/ selve(n) br(ieve) en(de) met specificacie(n) vanden co(m)me(re)n uuyte(n) voirs(creven)/ geheele(n) goeden gaen(de) wairscap doen sulle(n) en(de) dien a(n)nexe(re)n/ der guedingen bij symone en(de) zijnd(er) huysv(rou)we(n) gedae(n) den/ welken alnoch onder scep(enen) va(n) wiltsele legt Ende den/ voirscr(even) guedingebr(ieve) bij h(er) ja(n)ne en(de) marien zijnd(er) dochter/ gedaen aengaen(de) der waerscap ind(en) selve(n) br(ieve) begrepe(n) bijde(n)/ voirscr(even) vier segg(er)s onduegdelijck de.. gedeclareert zijnde/ sal de waerscap bijden voirscr(even) symone en(de) zijne(n) wive/ naderhant gedae(n) zijn en(de) bliven tot eeuwige(n) daghen va(n)/ onweerde(n) Ende als vand(en) erve(n) d(air)op den popelierboom stont/ en(de) vand(en) huysken(en) mett(er) toebeh(oirten) janne va(n) leeuwe toebehoiren(de) (et)c(etera)
//
/ es der segge(re)n uuytsprake dat de selve erve en(de) des/ dien aencleeft tot eeuwige(n) dagen volgen sal den voirscr(even)/ symone zijne(n) erve(n) ende nacomelingen op trecht d(air) voe(r)/ uuytgaen(de) gedragen(de) ii cap(uynen) een blancke Ende voirtane/ op xvi stuv(er)s iii pl(a)c(ken) voe(r) den st(uver) erfchijs den voirscr(even)/ janne va(n) leeuwe en(de) zijne(n) erfgename(n) te betale(n) alle ja(r)e/ tsintjansmesse bap(tis)[te(n)] dyerste betalinge inne te gane/ van sint jansmesse naestcomen(de) over een jair des sal ja(n)ne/ van leeuwe nu tsintjansmesse naestcomen(de) de hue(r) d(air)af volge(n)/ Met condicien dat symoen den selve(n) chijs va(n) xvi st(uvers) aflegge(n)/ mach tsijnder gelueften den d(enier) xviii en(de) met vollen rinten/ behalve(n) voirts oft hij de helcht bynne(n) twee ja(r)en niet/ af le en legt soe sal hij d(air) voe(r) moete(n) stelle(n) redelike(n)/ onderpant Ende mids desen es der segge(re)n uuytsp(ra)ke/ dat de costen bij symone t(er) eend(er) en(de) janne va(n) leeuwe/ t(er) ande(r) zijden geeyscht aengaen(de) d(er) duecht oft onduecht/ der brieve(n) van wiltsele sulle(n) zijn en(de) bliven gecompenseert/ behalve(n) den ande(re)n costen d(air)af boven uuytsp(raken) geschiet zij(n)/ in hue(re)r weerd(en) Ende als vanden costen d(air)inne e(n)nich vand(en)/ voirscr(even) p(ar)tien geduempt sal worden oft geduempt es es/ der segge(re)n uuytsprake dat de geduempde p(ar)tie zijnd(er) wed(er)p(ar)tie(n)/ voldoen sal vande(n) costen d(air)inne hij geduempt es oft en(de) sal/ zijn mids des(en) tusschen dit en(de) pu(r)ificac(i)onis naestcomen(de) t(am)q(uam) ass(ecutu)[m]/ Ende als vand(er) vestich(eit) en(de) waerscape ind(en) voirs(creven) uuytsp(ra)ken/ begrepe(n) sal eenyegelijck d(er) voirscr(even) p(ar)tien elck d(er) ande(re)n/ d(air)aff genoech doen navolgen(de) d(er) selver uuytsp(ra)ken bynne(n) viii/ dagen nae sint jansdach baptisten naestcomen(de) Es voirt/ d(er) segge(re)n uuytsprake als vand(en) costen geschiet zeder der/ submissien bijden arbit(er)s en(de) den ghene(n) die bijden arbit(er)s ten/ arbeyde gestelt zijn geweest dat beyde de p(ar)tien die/ te gelike dragen sulle(n) en(de) dat t(er) taxacien vand(en) arbit(er)s en(de)/ zoe wes deen der p(ar)tien meer v(er)legt sal hebbe(n) dan dande(re)
//
/ dat sal de mi(n)ste v(er)legge(r) den ande(re)n voldoen bynne(n) sint/ jansavonde naestcomen(de) t(am)q(uam) ass(ecutu)[m] Ende oft e(n)nighe/ duyst(er)nisse naderhant viele inde voirscr(even) uuytsprake/ d(air)af behouden de voirs(creven) segg(er)s hue(r) cleenisse en(de) int(er)p(re)tacie/ vand(en) selven Ende h(ier)mede sulle(n) p(ar)tien van nu/ voirtane goede gevriende zijn ende bliven ende deen/ dande(r) buyten bove(n) oft in (contra)rien van dese(n) egheenssins/ moege(n) moleste(re)n noch prame(n) noch ande(re) ombehoirlijke/ nyeuwich(eit) moeyten oft lasten malcande(re)n meer aendoen/ oft doen doen elck d(er) voirs(creven) p(ar)tien op de pene en(de)/ banduyn inder voirg(eruerde) submissien begrepen junii vii