It(em) wouter ackerman zone wijlen wout(er)s in p(rese)ncia heeft genome(n)/ ende bekint dat hij genome(n) heeft van he(re)n janne van langrode/ admi(ni)strateur des godshuys va(n) vlierbeke thof geheete(n) toude(n)hove(n)/ gelege(n) te hag(er)srode inde prochie va(n) bierbeke den voirs(creven) godsh(uyse)/ toebehoiren(de) met eene(n) halve(n) boende(r) bempts gelegen inde/ p(ro)chie van nethen(en) houden(de) zonder dat half boende(r) voirs(creven) te/ same(n) onder lande bossche en(de) heyde xlv boende(r) iii dach(mael) en(de)/ xviii roeden Te houden te hebbe(n) en(de) te wynne(n) van half m(er)te/ a(n)no lxxvi eene(n) t(er)mijn va(n) zesse jae(re)n lanck v(er)volgen(de) Elx/ jaers dae(re)nbynne(n) om en(de) voe(r) acht mudde(n) rox en(de) tweenveertich/ mudden even(en) Elx grains goet ende payabel alsulx als opt/ voirscr(even) goet jairlijx wassen sal der mate(n) van loven(e) sint andr(ies)misse/ apostels te betale(n) ende int voirscr(even) cloester oft te loven(e) d(air)/ mijne(n) hee(re) voirscr(even) dat best gelieve(n) sal te leve(re)n den voirscr(even)/ mijne(n) hee(re) den voirscr(even) t(er)mijn due(re)nde quol(ibet) ass(ecutu)[m] Met condicie(n)/ dat de voirscr(even) wynne de voirscr(even) goede houden soude sal en(de)/ wel en(de) loflijck wynne(n) werve(n) en(de) mesten sijne(n) voirs(creven) t(er)mijn/ due(re)nde gelijck reengenote(n) bove(n) en(de) beneden Ende die late(n) tsijne(n)/ afscheyden gelijck hijse vant te zijne(n) aencome(n) Te weten(e)/ den winteraert houden(de) omtrint thien boende(r) gelegen op steenk(en)/ op vier getidege vore(n) de brake en(de) den som(er)aert geheel en(de)/ dwint(er)mest sal hij int hoff moegen late(n) Item sal de voirs(creven)/ wynne zijn prouffijt moege(n) doen vande(n) bossche voirscr(even)/ Behalve(n) dat hij deykenbosch sal late(n) van twee jae(re)n ende/ den elsenbosch van eene(n) jae(re) te zijne(n) uutgane ende den/ eykenbosch wel ende loflijck bevreden Item sal de voirscr(even)/ wynne jairlix den groote(n) ho(n)den va(n) brab(ant) betale(n) tsinte mych(iels)/ messe en(de) opden wissel te loven(e) leve(re)n zesse rinssche guld(en)/ en(de) den cleyne(n) hond(en) te paessche(n) ond(er)halve(n) rinssche guld(en) En(de)/ hij sal [alle] de gasterie van wege(n) ons gened(ichs) hee(re)n op zijne(n) last/ ontfaen alsoet gewoenlijck es zonder afslach d(er) so(m)men voirs(creven)/ Item sal oick de voirscr(even) wynne de huysinge vanden voirs(creven)/ hove houde(n) wel en(de) loflijck vand(er) underster rijkele(n) ned(er)wert/ en(de) ald(air) leve(re)n jairlix xl mandele(n) walms om de huysinge/ mede te decken(e) en(de) alsmen die v(er)dect sal hij den werclieden/ de(n) montcost geve(n) en(de) mijn hee(re) de dachue(re)n betale(n) It(em) oft int
//
voirs(creven) hoff ende goede e(n)nighe schade geschiedde van des voirs(creven)/ wynne(n) oft zijns gesins wege(n) die schade sal hij den voirscr(even)/ mijne(n) hee(re) sculdich zijn opte richte(n) t(er) taxacien van goede(n) mannen/ Item en sal de voirscr(even) wy(n)ne vand(en) voirscr(even) goeden egheene moege(n)/ uuytgeve(n) van zijnder hant zonder consent des voirs(creven) he(re)n Item noch/ heeft genome(n) de voirscr(even) wynne ende bekint dat hij genomen/ heeft als vo(r)e de thiende te maerbeke alsoe v(er)re die den voirscr(even)/ godshuyse toebehoiren(de) es Te houde(n) en(de) te hebbe(n) den t(er)mijn voirs(creven)/ Elx jaers d(air)enbynne(n) om en(de) voe(r) vie(re)ntwintich mudde(n) rox pacht/ en(de) mate(n) voirs(creven) te leve(re)n als vo(r)e Ende es vorweerde dat hij/ allet stroe vand(en) thienden comen(de) vue(re)n sal int voirs(creven) hof ende/ dat aldair etten met zijne(n) beesten en(de) te meste make(n) en(de) dmest/ d(air)af vue(re)n opde voirscr(even) lande tslants meeste(n) prouffite It(em) sal/ de voirs(creven) wynne te hemw(er)ts hebbe(n) allet oefts opt voirs(creven) goet/ jairlijx wassende Ende oft aldair e(n)nige appelboeme oft/ peerboeme verdroechde(n) die sal de voirscr(even) wynne moege(n) uuytrode(n)/ en(de) te hemw(er)ts behoude(n) tsijnder berringe(n) behoeff des sal hij voir/ elke(n) moete(n) setten twee ande(re) boome vande(n) selve(n) aerde It(em) sal/ de voirscr(even) wynne alle hebbe(n) vand(en) voirs(creven) hee(re) een tabbaert lake(n)/ alsoe hij zijnen ande(re)n diene(re)n geve(n) sal Ende alle dese vorw(er)d(en)/ Inde sunt fideiussores dicti coloni godefridus eius f(ilius) jacobus/ vand(er) biest et joh(ann)es van bierbeke f(ilius) quond(am) et duo p(ri)mi/ insup(er) p(ri)m(us) cor(am) berct moelen m(ar)cii p(ri)ma