Item gielijs vander to(m)men sone wijle(n) willems wonende te/ grymberge(n) heeft bekint sculdich te zijne janne va(n) boxlair/ bontw(er)ke(r) van duegdelijker schult vanden coope va(n) eene(n) p(er)de/ dwelck hij den selve(n) gielijse v(er)cocht heeft en(de) de selve giel(ijs)/ bekint heeft ontfange(n) te hebbe(n) de so(m)me va(n) vijftich crone(n)/ te xxiiii stuv(er)s tstuck drie pl(a)c(ken) brabants voe(r) elke(n) stuv(er) ge(re)kent/ welke so(m)me hij he(m) geloeft heeft te betale(n) t(er) stont soe/ wa(n)neer hij te huwelike state getoge(n) sal zijn t(am)q(uam) ass(ecutu)[m]/ Ende oft deselve gielijs tot gheene(n) huwelike en toghe/ soe sal dese voirs(creven) so(m)me yerst valle(n) en(de) v(er)schijne(n) ter stont/ nae de doot svoirs(creven) gielijs h(ier) voe(r) v(er)oblige(re)nde he(m) selve(n) en(de)/ alle zijn goede have en(de) erve v(er)crege(n) en(de) te v(er)crige(n) inder/ bester forme(n) cor(am) berct mole(n) septembr(is) vi