SAL7373, Act: V°80.2-R°81.1 (194 of 786)
Search Act
previous | next
Act V°80.2-R°81.1  
Act
Date: 1479-10-05
LanguageNederlands

Transcription

2019-03-19 by Greet Foblets
Vand(en) aensprak(en) die lijsbeth spunders gedaen heeft tot g(er)trud(en)/
geheeten van wesemale van drie pet(er)s en(de)/
die zij huer yesch van montcoste te hue(re)nt vertheert d(air) af zij/
soe sij seyde onbetailt wae(r) en(de) onvoldaen en(de) zij hue(r) geluften/
soude hebben gedaen oft appointemente(n) met hue(r) gemaict hue(r) te/
betale(n) sdaichs eene(n) stuve(r) van welke(n) toesegge(n) oft appointem(en)te en(de) sek(ere)n and(ere)n/
[pointe(n)] zij huer thoenis vermat en(de) d(air)entinde(n) p(rese)nteerde zij de selve hue(r)/
tacht(er)heyt te clare(n) bij hue(re)r eed soe vele gedragen(de) als voirscr(even)/
steet hopen(de) wair zijt dat volquame in ..en en(de) in al deen en(de)/
in dande(r) dat de vors(creven) g(er)truyd gehoude(n) soude zijn heu(r) de selve/
so(m)me te betale(n) hue(r) des getroesten(de) totten rechte dair tege(n) de/
vors(creven) g(er)truyd hue(r) v(er)antwerden(de) dede seggen datmen nyet bevi(n)den/
en soude dat sij d(er) vors(creven) lijsbette(n) eenich toesegge(n) oft gelufte hadde/
gedaen oft eenige appointemente d(air) af met hue(r) was aengegaen/
mair wat hadde zij d(air) geteert d(air) af wae(r) zij wael betailt en(de) mocht/
dat aen ande(re) hebben gehoude(n) en(de) alsoe hoopte sij d(air) af ongehoude(n) te sijne Wair op de vors(creven) lijsbeth tot hue(re)n thoene van hue(re)n bijgeleechde(n)/
pointe(n) gewijst sijnde dier gheenssins en volqua(m) mair meer thoende dat/
hue(r) tot hue(re)r meyni(n)ge(n) en(de) v(er)meete ontdiende dan dat huer diende namelic
//
dat hue(r) getuyge(n) gesien en(de) gewete(n) hadde(n) dat g(er)truyd dair geteert/
hadde en(de) als zij d(air) theerde dat zij huer hadde(n) wete(n) betale(n) sdaichs/
eene(n) stuve(r) sond(er) en(de) vand(en) appointeme(n)te oft gelufte(n) en wiste(n) zij nyet/
Es gewijst bijde(n) scep(enen) van loven(en) t(er) maniss(en) smeyers wair g(er)truyd/
bij hue(re)n eede claert dat zij d(er) voirs(creven) lijsbette(n) [d(air) af] nyet gelooft of toe/
geseecht en heeft noch sculdich en is dat zij dan d(er) aenspraken/
ongehoude(n) sal sijn cor(am) eisd(em)
ContributorsGreet Stevens , Jos Jonckheer
Moderated byGreet Stevens
Add. 1 [onder akte R°81.1]
Date: 1479-10-16
LanguageNederlands

Transcription

2019-03-19 by Greet Foblets
Naevolgen(de) den voirs(creven) vo(n)nisse heeft de voirs(creven) g(er)tr(uyd) in absen(cien) en(de) mits c(on)tu(m)ac(ien) hue(re)r wed(er)p(ar)tie(n) hue(re)n eet behoirlijc gedae(n) cor(am) scab(inis) in sca(m)p(n)[o] oct(obris) xvi
ContributorsGreet Stevens , Jos Jonckheer
Moderated byGreet Stevens
Last update: 2016-11-15 by Jos Jonckheer