It(em) jan van beert woenen(de) te loeven(e) op de biest in p(rese)ncia heeft genome(n)/ ende bekint dat hij genome(n) heeft van brued(er) gheerde de feyte(re)/ co(n)vers des godshuys van gruene(n)dale in sonien en(de) de selve brueder/ gheert inden name en(de) van wege(n) desselfs godsh(uys) bij machte en(de)/ p(ro)curacie(n) des voirs(creven) godshuys heeft bekint gegeven te hebben den/ voirs(creven) ja(n)ne van beert de goede desselfs godshuys hier nae/ bescreve(n) inde prochie van voshem gelegen Inden yersten thien/ dachmalen lants gelegen opte flosstrate tusschen de goede wilen/ sanders ts(er)vrancx nu des voirs(creven) jans van beert ter eenre/ ende de voirs(creven) strate ter ande(re) ende met beyde den ynden/ neven de goede des godshuys van aywires It(em) drie dach(malen)/ lants gelege(n) aen den byebosch tusschen de goede der kercken/ van voshem op deene en(de) de goede wile(n) jan snoecx nu pet(er)s/ maricielijs op dande(re) en(de) metten eene(n) ynde neve(n) de goede wile(n)/ sgodshuys van hee(re)n p(er)cke nu yngel vrancx en(de) metten ande(re)n/ ynde neven de goede s(in)[t] katlijnen te duysborch It(em) twee/ dachmalen lants gelegen inde(n) cleyne(n) ham op plyncvelt tussche(n)/ de goede jans vand(en) dale op deene ende de goede jacops vand(en)/ veken(e) op de twee ande(r) zijden It(em) een dachmael lants gelegen/ inden selven ham tusschen de goede der sielmessen van voshem
//
op deene en(de) de goede joes absoloens en(de) jans coreman op dande(re) It(em) een/ half dach(mael) lants gelegen ald(aer) inde(n) selven ham tusschen de goede der/ erfgenamen willems wilen vand(er) brugge(n) en(de) de goede jans vanden/ dale comen(de) metten eene(n) ynde neve(n) de goede des voirs(creven) joes absoloens/ en(de) metten ande(re)n ynde neven de goede der erfg(enamen) des voirs(creven) wilen willems/ Dese voirs(creven) goede heeft de voirs(creven) jan bevonden met rogge besaeyt It(em)/ twee boende(re)n lants gelege(n) int rot neven de strate gaende van/ duysborch te loeven(e) weert tusschen de selve strate op deen zijde en(de) de/ goede wilen wout(er)s van honsberghe nu jans van beert en(de) de goede/ wout(er)s de smet op dande(re) comen(de) metten eene(n) ynde neve(n) de goede wile(n)/ sgodshuys van hee(re)n p(er)cke nu yngel vrancx en(de) mette(n) ande(re)n ynde neve(n)/ de goede des voirs(creven) jans van beert wile(n) sanders ts(er)vrancx It(em) vijfentwi(n)tich/ roeden lants gelegen op honsberchvelt tusschen de goede der cappelaen/ va(n) voshem op deene de goede sanders vand(en) bossche op dande(re) en(de) de/ goede der erfgename(n) everarts wilen van wynghe op de derde/ en(de) de goede des voirs(creven) jans van beert opde vierde zijden Item/ anderhalf dachmael lants gelegen inden grooten ham tusschen/ de goede jans vand(en) dale op deene de goede der erfgename(n) everarts/ wilen van wynge op dande(re) ende de goede jans wilen va(n) coudenberge/ op de twee ande(r) zijden It(em) drie dachmalen lants gelegen/ opten winckel tusschen de goede der erfgenamen willems/ wile(n) vand(er) brugghen in drie zijden ende de goede jans coreman/ inde vierde zijden Dese goede heeft de voirs(creven) jan van beert/ bevonden met even(en) besaeyt It(em) vijf dachmalen lants gelege(n)/ neven de strate gaende van voshem te leefdale weert/ tusschen de selve strate en(de) de goede des heylig(en)gheest van/ voshem comende metten eenen ynde neve(n) de goede jans/ van beert ende mette(n) ande(re)n ynde neven de goede baudewijns/ van hondsberghe It(em) een dachmael lants gelege(n) tusschen de/ goede der erfgename(n) everarts wilen van wynghe/ in drie zijden ende de flosstrate in dande(re) Item seven/ dach(malen) lants gelege(n) boven de hoelstrate tusschen de selve/ strate en(de) de goede vand(en) ap(oste)len van bruessel metten/ eene(n) ynde bijde goede der erfgenamen everarts wilen/ van wynghe ende metten ande(re)n ynde bij de goede yngel/ vrancx It(em) een dachmael lants gelegen opten voirtoge/ tusschen de goede der sielmessen van voshem op deene de/ goede sgodshuys van aywires op dande(re) comende metten/ eene(n) ynde bijde goede baudewijns van honsberghe Item/ and(er)half dachmael lants gelegen opt roedeken tusschen
//
de goede jacops vanden veken(e) op deene de goede der erfgename(n)/ jans wilen van coudenberge op de twee ande(r) zijden en(de) de/ goede der erfgename(n) willems wilen vander brugge(n) opde vierde/ It(em) ond(er)half dachmael lants gelegen ald(aer) opt yndevelt tusschen/ de goede sgodshuys vand(en) ap(oste)len te bruessel op deene en(de) de goede jans core(n)mans en(de) d(er) erfgename(n) willems vand(er) brugge(n) op dande(re)/ Ende dese voirs(creven) lande heeft de voirs(creven) jan van beert bevonden/ brake Item noch sesse dachmalen beemps gelegen te voshem/ tusschen de broecstrate en(de) de voere comende metten eene(n) ynde/ aen de goede joes absoloens Item den chijs geheeten van/ bockaerden mette(n) rechte vand(en) pontpe(n)ning(en) dair toe behoerende/ gelijc tvoirs(creven) godshuys dien houden(de) is inde prochien van voshem/ en(de) van leefdale ende geliker wijs alle die voirs(creven) goede ende/ chijse den voirs(creven) ja(n)ne van beert aldaer genoech sijn bewijst Te/ houden(e) te hebben(e) te heffen(e) ende te besitten(e) van halfmeye/naestcomen(de) int jaer lxxix lestlede(n) eene(n) t(er)mijn van tweelf/ ja(r)en lang deen nae dande(r) sonder middel vervolgen(de) Elcx jaers/ d(air)enbinne(n) om ende voe(r) vijf mudd(en) rocx ende twee mudd(en) even(en)/ pachtrocx en(de) pachteven(en) pag(abilis) cu(m) va(nn)[o] d(er) mate(n) van loeven(e) en(de)/ int voirs(creven) cloester van gruene(n)dale op cost en(de) last des voirs(creven) jans/ van beert te leve(re)n jaerlicx s(in)[t] andr(iesmisse) ap(oste)ls vallen(de) ende te/ kersmisse betaelt te zijne Ende om sessendertich stuv(er)s te/ drie pl(a)c(ken) tstuc alle ja(r)e den voirs(creven) t(er)mijn due(re)nde te kers(mis)s[e]/ te betalen(e) quol(ibet) ass(ecutu)[m] Geloven(de) he(m) de voirs(creven) brued(er) gheert/ inde(n) name voirscr(even) vand(en) voirs(creven) t(er)mijne waerscap Den voirg(eruerde)/ pacht en(de) chijs heeft weder gelooft de voirs(creven) jan van beert te/ geve(n) ende te betalen den voirs(creven) brued(er) gheerde inde(n) name/ als vo(r)e alle jare hie(re)nbinnen ende ten t(er)mijne voirs(creven)/ Voirt heeft gelooft de selve jan van beert jaerlijcx/ hie(re)nbinne(n) te gelde(n) ende te betalen(e) sonder last oft cost/ des voirs(creven) cloesters van gruene(n)dale alle den chijs en(de) co(m)mer/ uut den voirs(creven) goeden gaende uutgenome(n) shee(re)n bede en(de)/ s(in)[t] remeys bede D(air) af sal de voirs(creven) jan ongehouden sijn/ Met alsulcker vorweerde(n) hier toe gedaen dat de voirs(creven) jan/ van beert de voirs(creven) goede wel en(de) loflijc winne(n) werve(n) en(de)/ mesten sal wel en(de) loflijc gelijc zijne(n) reeng(enoten) en(de) die te late(n)/ te sijne(n) afscheyden in alle der manie(re)n gelijc hij die vant te/ sijne(n) aencome(n) Ende alle dese vorweerd(en) condicie(n) ende/ gelofte(n) voirs(creven) hebben zij malcande(re)n gelooft goet vast (et)c(etera)/ cor(am) reth(eman) moelen maii xv