Vander aenspraken die henric vanden ynde als mo(m)boir jouffr(ouwe)/ magdaleene(n) van meenssele sijns wijfs ende inden name van/ jouffr(ouwe) kathlijne(n) van meenssele hue(re)r suster als geleyt nae/ deser stad recht tot allen den goeden have en(de) erve jouffr(ouwe)/ lijsbetten pa(n)nesteert weduwe roelofs wilen corsbouts gedaen/ heeft totte(n) goede(n) der selver weduwen dair hij versocht in/ sijne(n) beleyde gehouden en(de) hem de goede der selver weduwen/ aengewesen te wordden om dair aen te moegen verhalen zijn/ gebreck dat hij hadde van eend(er) geloften van genoechdoen(e) hem/ der voirs(creven) jouffr(ouwe) magdaleene(n) van meenssele sijne(n) wive en(de)/ oic jouffr(ouwe) katlijne(n) van meenssele hue(re)r suster gedaen voir/ scepen(en) van loeven(e) januar(ii) xxiii a(nn)[o] lxxiiii in eend(er) deylinge(n)/ tussche(n) de selve p(ar)tien gepasseert Dair inne den selven/ gehuysschen ende der selver jouffr(ouwe) katlijne(n) in deylinge(n) viel een huys metten hove ende den toebehoirte(n) geleg(en)/ inde bakeleyne Ende want die deylinge was/ geschiet nae de doot svoirs(creven) wilen roelofs corsbout alsoe dat/ de voirs(creven) jouffr(ouwe) lijsbeth zijne weduwe mair tochtersse en/ was vand(en) voirs(creven) en(de) meer ande(re)n goeden achter den selve(n)/ roelofve gebleven te voirder want die goede wae(re)n vererft/ mits dat d(air) was een wettige hoir vand(en) voirs(creven) roelofve en(de)/ sijne(n) wive zoe sustineerde hij mits dien dat de voirs(creven)/ wed(uw)[e] corsbouts mits der geloften van genoechdoen(e) voirs(creven)/ gehouden soude zijn de selve dochter te hande ende te/ monde te bringen inder voirs(creven) deylinge(n) ende huer in dien/ te hebben dat zij die approbe(re) oft dat hem dair voe(r)/ de voirs(creven) goede aengewesen souden worde(n) hem des gedragen(de)
//
totten rechte Dair tegen de voirs(creven) weduwe sustine(re)nde/ de contrarie dede seggen dat zij tot den deylinge(n) ende/ vorweerden tusschen den voirs(creven) p(ar)tien geschiet dair uut de/ voirs(creven) henr(ic) hem hadde doen leyden was betoge(n) en(de) gebracht/ o(n)noeselijc ende bij grooter slechtich(eit) niet wetende te dier/ tijt hoe verre hue(r) recht van dien strecte en(de) uut wat/ rechte ende tijtle zij die goede houden(de) was en(de) alsoe/ want zij zeder hadde bevonden dat de voirs(creven) hue(r) wed(er)p(ar)tie/ d(air) inne gheensssins en was gericht hoe wel zij/ uut slincker informacie(n) de voirs(creven) deylinge hadde laten/ passeren en(de) dat zij voir die goede noyt hellinc oft pe(n)ninc/ en(de) ontfing en(de) dat zij in dien wesen over de helicht/ vand(en) gerechte(n) prise van dien soude zijn gescote(n) Soe/ sustineerde zij dat de voirs(creven) gelofte(n) en(de) deylinge(n) als van/ onweerde(n) souden zijn geacht e(m)mer dat zij mits/ sulker gelofte(n) van genoechdoen(e) niet gehouden zijn/ en soude yeman(de) te vervange(n) d(air) af de selve gelofte/ int besunder gheen speciale mencie van vervange(n) en maecte/ Te voirder want zij boot te bewijsen dat zij en(de) huer/ man die goede die hue(r) gelijc vo(r)e afgedeylt wae(re)n over/ xxx jaer en(de) dage als huer p(ro)per erve zeder de doot/ van janne wilen pa(n)nesteert hue(re)n vader d(air) die af come(n)/ wae(re)n en(de) dair te vo(r)en in zijnen leven(e) hadden beseten en(de)/ dat huer man dair uut als uut zijne(n) erve was gestorve(n)/ en(de) zij d(air) inne was blive(n) sitten(de) nae hem totter tijt dat zij/ gelijc vo(r)e slinckelic totter voirs(creven) deyling(en) was verleyt/ dat voirt de voirs(creven) wilen roelof huer man soe vele van/ borchtochte(n) en(de) anders voir den voirs(creven) ja(n)ne pa(n)nesteert/ hadde betaelt dat hij d(air) o(m)me verdorve(n) was en(de) dat/ alsoe d(air) toe alle de selve goede hue(re)n man wae(re)n bleven/ en(de) hadde dair af altijt in possessien gelijc vo(r)e geweest/ huer des getroesten(de) totten rechte Dair tegen de/ voirs(creven) aenlegge(r) replice(re)nde dede seggen dat in des(er)/ saken gheen possessie oft scille stat en const gegripe(n)/ gemerct dat dese goede comen wae(re)n vand(en) voirs(creven) ja(n)ne/ wilen pa(n)nesteert den vader der voirs(creven) jouffr(ouwe) lijsbetten/ en(de) dat die jan hadde noch eene wettige dochter/ die moeder was der voirs(creven) jouffr(ouwe) katlijne(n) en(de) magdaleene(n)/ henricx wive en(de) suster der voirs(creven) jouffr(ouwe) lijsbetten/ en(de) dat alsoe tusschen gesuste(re)n gheene scille en staet/ noch possessie stat en grijpt Dair tegen de weduwe/ p(rese)nte(re)nde alnoch op d(at) he(m) niema(n)t inde(n) mont sien en soude de geheele goede d(air)/ af de deylingen in wederssijde geschiede te late(n) herdeyle(n)
//
om elders te hebbe(n) des hem behoerde Dair tege(n) de weduwe/ duplice(re)nde seyde al mocht zijn dat tussche(n) gesuste(re)n gheen/ scille en staet d(air) o(m)me en volgt niet als die goede/ voirder gaen dat zij blive(n) souden in dien recht(en) en(de) p(ri)vileg(ien)/ als zij stonde(n) tusschen brueders oft susters vand(en) scille(n) en(de)/ alsoe en const he(n) alsnu dit vortstelle niet gediene(n) en(de)/ aengaen(de) der voirs(creven) p(rese)ntacien vand(en) herdeylen dede zij/ segge(n) waert tsake dat bevonden wordde met rechte dat/ de voirs(creven) henr(ic) en(de) sijne medeplegers dair inne gericht wae(re)n/ dat zij dan te vreden wa(r)e die te laten herdeylen mair/ anders niet oic wa(r)e zij te vreden eve(n)verre hue(r) wed(er)p(ar)tie/ opleyde half de sculden en(de) borchtochte(n) die huer man/ hadde moete(n) betalen voir den voirs(creven) wilen janne pa(n)nesteert/ hue(re)n vader dat zij hue(re)r dochter totter deylingen bringen en(de)/ vervange(n) woude Es gewijst ter manissen smeyers dat/ henrick vanden ynde met sijnen voirtstelle verdoolt is/ In sca(m)p(n)[o] p(rese)ntib[(us)] om(n)ib[(us)] scabinis dempt(is) duffle moelen octobr(is)/ s(e)c(un)da