Allen (et)c(etera) doen condt dat arnt scrijne en(de) jan boxhoren ende/ hebben geconstitueert gesedt volcomen macht p(ro)cu(r)acie en(de) auct(oriteyt)/ gegeven ja(n)ne romack voirman woenen(de) te roche in ardenen/ om alle alsulken schult inne te halen en(de) te heffen(e) als gielijs verlies/ hen sculdich en(de) tachter mach wesen te verwaren te manen teysschen/ optebue(re)n en(de) tontfangen te bedingen te wy(n)nen te verliesen voir alle/ gerichten gheestelijc en(de) weerlijc tegen wien dat zij co(m)posicie en(de)/ mynlike yeffeni(n)ge van al des voirs(creven) is te maken en(de) voirtane g(e)n(er)alijc/ en(de) spe(ci)alijc (et)c(etera) p(ro)mitt(entes) rat(um) salvo iusto calculo cor(am) tybe burg(imagistr)[o]/ buets(ele) hoelair julii iii[a]