Want steven van bloeme(n)dale als geleyt nae des(er) stadt recht voir/ zijn wettich gebreck uut crachte van scepen(en) brieven van loeven(e) tot/ allen den goeden beyde have en(de) erve geldolfs wilen vand(en) wynde geheete(n)/ vand(en) hove soe wair die gelegen zijn hem oft willem(me) van bierbeke der/ stad bode te voete met brieve(n) van deser stadt gescr(even) aen alle officie(re)n/ alle de selve goede heeft doen leve(re)n en(de) den kinde(re)n vanden naebedde/ desselfs wilen geldolfs dach van rechte doen bescheyden tot welken/ daghe noch oic op heden als ten verstreken(en) dage van rechte de/ voirs(creven) kinde(re)n noch nyema(n)t van hue(re)n wegen geco(m)pareert en zijn/ den voirs(creven) geleydden altijt co(m)pare(re)nde en(de) trecht voirt versueken(de)/ soe verre dat de hee(re)n scepen(en) van loeven(e) ter manissen smeyers/ nae dat hen behoirlijc heeft gebleken bij will resc(ri)pte van willem(me)/ van belair meye(r) van cu(m)ptich en(de) stasse vand(en) b(er)ghe stedehoude(r)/ des meyers van halen ter nuwercapellen te weten(e) elc onder/ tsijne de voirs(creven) leveri(n)ge en(de) dach bescheydinge geschiet te zijne/ gewesen hebben met vo(n)nisse datmen den voirs(creven) geleydden vand(en)/ voirs(creven) goeden houden soude inde macht va(n) zijne(n) beleyde ende/ leveri(n)gen voirs(creven) alsoe v(er)re alst noch voir scepen(en) comen es act(um)/ in sca(m)pno oct(obris) xvi