Want jouffrouwe katlijne van langrode weduwe jans wilen/ de witte als geleyt nae deser stadt recht voir huer wettich gebreck/ uut crachte van scepen(en) brieve(n) van loeven(e) tot allen den goeden beyde/ have en(de) erve willems wilen de pelsmake(re) soe wair die gelegen/ zijn huer met brieve(n) van deser stad gescreve(n) aen den drossete van/ rotselair oft zijne(n) stedehoude(r) alle de selve goede heeft doen leve(re)n/ en(de) der(n) weduwen en(de) kinde(re)n desselfs wilen willems dach va(n) rechte/ alhier bescheyden oft zij tegen de voirs(creven) leveri(n)ge yet hadden willen/ allige(re)n oft de voirs(creven) scepen(en) brieve impugne(re)n tot welken daghe noch/ oic op heden als ten verstreken(en) daghe van rechte de voirs(creven) weduwe hue(r)
//
kinde(re) noch nyema(n)t van hue(re)n wegen geco(m)pareert en zijn de voirs(creven)/ geleydde altijt co(m)pare(re)nde en(de) trecht voirt versueken(de) soe v(er)re dat/ scepen(en) van loven(e) ter manissen smeyers nae dat hen behoirlijc heeft/ gebleken bij rapporte gielijs eveloege der stad bode de voirs(creven) leveri(n)ge/ en(de) dach bescheydinge geschiet te zijne gewesen hebben voir een vo(n)nisse/ dat men der voirs(creven) geleydder vand(en) voirs(creven) goeden houden soude inde/ macht va(n) hue(re)n beleyde en(de) leveri(n)gen voirs(creven) alsoe v(er)re alst noch voir/ scepen(en) comen es act(um) in sca(m)pno octobr(is) xxvii