It(em) jan kyp voir hem en(de) katlijne(n) wittemans zijne(n) wive dochter/ qui(n)tens wilen wittemans die hij hadde van katlijne(n) van outena/ zijne(n) wive dochter jans wilen van outena welke ka(tlij)[ne] en(de) hue(r)/ moeder voirs(creven) nu absent zijnde hij h(ier) inne gelooft heeft te verva(n)gen/ ter eender zijden jouffr(ouwe) m(ar)grieten van vlasselair wed(uwe) jans wilen/ va(n) outena des jongen sone des voirs(creven) wilen jans met consente arts/ vand(er) horst nu huers mans en(de) katlijne va(n) outena dochter der voirs(creven)/ jouffr(ouwe) m(ar)grieten en(de) wilen jans p(ri)us ema(ncipa)[ta] de co(n)sensu d(i)c(t)i arnoldi/ ter ande(re) en(de) jouffr(ouwe) m(ar)griete van meenssele weduwe des voirs(creven) wilen/ jans van outena des vaders en(de) moeder der voirs(creven) yerster katlijne(n)/ van outena en(de) jans van outena des jongen en(de) oude moeder der voirs(creven)/ katlijne(n) wittemans en(de) katlijne(n) van outena der dochter nutertijt/ weerdy(n)ne jans dillen ter derder met co(n)sente desselfs jans sijn/ comen voir scepen(en) lo van loeven(e) kynnen(de) en(de) lijden(de) dat zij met/ malcande(re)n mynlijc v(er)accordeert eenswordden en(de) overcomen zijn/ der pointen condicien en(de) vorweerden h(ier) nae bescreven die zij malca(n)de(re)n/ gelooft hebben voir hen hue(re)n erven en(de) naecomeli(n)gen elc soe v(er)re/ hem dat aencleeft tonderhouden te voldoen(e) en(de) tachtervolgen/ Ende inden ierste(n) dat der voirs(creven) katlijne(n) wittemans weerdy(n)ne/ jans kyp terstont tot eeuwigen daghen volgen en(de) bliven sal/ tstuck soe boschs soe beemts geheel geheete(n) dbroec houden(de) int/ geheel omtrint iiii(½) h boender alsoe dat gelegen es te meensele/ derve geheeten de herint ter eender en(de) de strate va(n) beneden te/ meensele weert gaen(de) ter ande(re) It(em) sal hue(r) alnoch ierst nae de/ doot der selver oudermoeder die dair inne huer tocht huer leefdage/ lang behouden sal erflijc volgen en(de) bliven een stuck soe lants/ beemts soe bosch geheeten den franckenberch gelegen te meenssele/ tusschen ja(n)ne mercels ter eender en(de) ja(n)ne nijs ter ande(r) zijden/ ende ter ande(r) zijden sal der voirs(creven) katlijne(n) van outena dochter des/ voirs(creven) wilen jans van outena des jongen oic terstont volgen en(de)/ erflijc bliven en(de) toebehoiren tstuck erfs soe beemts soe elsbosch/ gelijc dat gelegen es inde prochie van meenssele geheete(n) delst/ tusschen de strate gaen(de) van meenssele te glabbeke(n) rode weert ter/ eender zijden en(de) de goede der kinde(re)n der jouffr(ouwe) va(n) buetschore ter/ ande(r) zijden soe wel tchijsgoet dat dair aen leecht en(de) dair(en) toe/ behoirt geheeten s(in)[te] katlijne(n) bosch als dleen It(em) selen oic der selver/ katlijne(n) jans dochter va(n) outena volgen erflijc ierst nae de doot huer(er)/ voirs(creven) oudermoeder die hue(r) tocht dair inne behouden sal de p(ar)ceelen/ van erfgoeden h(ier) nae bescreve(n) Ierst een bosschelken houden(de) omtrint/ een half zille paulo gelegen te meenssele gelegen opten/ tusschen de goede gheerts kinde(re)n vand(en) boegarde ter eender zijden/ en(de) de boegarde van thiene(n) ter ande(re) It(em) noch ii(½) dach(mael) lants gelege(n)/ aen den thienschen wech bij rogge(n) onder meenssele tusschen de/ goede der selver katlijne(n) der dochter ter eender zijden en(de) den thie(n)schen/ wech ter ande(re) It(em) en(de) noch (½) boender wy(n)nens lants op tselve velt/ tusschen tshee(re)n strate gaen(de) van meenssele te glabbeke(n) rode weert/ ter eender en(de) jans mercels goede ter ande(re) en(de) nae de doot der selv(er)/ oudermoeder sal elc vand(en) voirs(creven) p(ar)tien die dat behoirt te doen(e) en(de)/ des macht hebben sal der ande(re) van desen voirs(creven) goeden alle/ behoirlike guedinge en(de) vesticheyt doen voir hof en(de) hee(re) die he(n)/ dair toe dienen en(de) behoiren mochte op vuege en(de) condicie/ wairt sake dat de voirs(creven) katlijne wittema(n)s jans kyp wijf oft/ katlijne va(n) outena dochter jans van outena des jongen oft deen va(n)/ hen storven sonder wettige geboerte van hen te laten dat dan/ alle de voirs(creven) goede uutgenomen alleene de helicht vand(en) voirs(creven)/ stucke erfs geheeten dbroec en(de) de helicht vand(en) voirs(creven) erve geheete(n)/ delst weder gaen en(de) keere(n) souden opde naeste erfgenamen/ vander zijden dair die af comen zijn Bliven(de) den scepen(en) brief/ van loeven(e) die de voirs(creven) wilen jan va(n) outena voirmaels der voirs(creven)/ zijnder moeder jans dillen wive [bekint heeft] van(de) xv gulden(en) van weerden/ en(de) in zijnder macht cor(am) buetsele thenis octobr(is) xxix