It(em) peter vand(er) most jan dillen en(de) henr(ick) vand(en) b(er)ghe geheete(n) de/ zeghe(re) als kercmeesters der kercken van sinte katlijne(n) capelle opden/ keyberch inden name vander selver kercken in p(rese)ncia hebben verhuert/ en(de) bekint verhuert te hebben(e) hee(re)n ja(n)ne van houthem pastoir der/ kercken va(n) evernas le bauduin en(de) cappellaen der kercken va(n) sinte/ peters te loeven(e) een huys en(de) hof met allen zijne(n) toebehoirte(n) alsoet/ gelegen es opden langen keyberch wilen toebehoiren(de) meester henr(icke)/ m(er)chant tusschen de goede gorts de pape op deen zijde en(de) den gemeyn(en)/ doerganck op dande(r) zijde Te houden te hebben en(de) te gebruycken/ van nu voirtaen alsoe lange de selve h(er) merten [jan] leven sal elcx jairs/ om de lasten hier nae bescreve(n) Te weten(e) dat de selve h(er) merten jan/ gehouden sal zijn te doen(e) en(de) te celebre(re)n oft te doen celebre(re)n alle/ weken inder voirs(creven) kercken van sinte katlijne(n) drie messen de weeke/ nae inhouden vanden testame(n)te des voirs(creven) meester henr(icx) m(er)chant/ d(air)mede hij tselve thuys der voirs(creven) kercken gelaten en(de) gemaect/ heeft It(em) noch sal de selve h(er) jan sculdich zijn te doen maken/ by(n)nen drie jae(re)n naestcomen(de) int voirs(creven) huys een voute int vierca(n)te/ wijt x oft xii voete oft wijde(r) alsoe hem gelieve(n) sal en(de) dat hij/ by(n)nen den selven tijde oic int selve huys sal doen maken een/ heymelijc voute int viercant wijt viii oft thien voete tenmeesten/ gerieve en(de) termynster schaden vanden huyse met condicien/ oft hij aflivich worde eer de voirs(creven) drie jae(re)n expireerden dat in/ dien gevalle de kercmeesters der voirs(creven) kercken aen zij(n) beruerlike/ goede inden voirs(creven) huyse wesen(de) sullen moegen verhalen ende/ v(er)reycken de so(m)me van ix r(inssche) guld(enen) te lx pl(a)c(ken) eens Item es vorweerde/ dat de voirs(creven) h(er) merten [jan] tvoirs(creven) huys houden sal in redeliken state/ van wande en(de) van dake ende oft gebreck inden voirs(creven) he(r)en ja(n)ne/ gevielle vand(en) voirs(creven) messen te doen(e) oft te doen doen(e) oft oic in/ e(n)nigen ande(re)n voirg(eruerde) pointen dat alsdan dese hueri(n)ge en(de) co(n)ve(n)cie/ van onweerden sal zijn En(de) alle dese vorweerden d(i)c(tu)s d(omin)us joh(ann)es/ renu(n)c(ians) (et)c(etera) cor(am) buetsele thenis julii xvi