Vanden stoote questien en(de) geschillen wesen(de) tusschen lowar loreyn/ voir hem selven als man en(de) mo(m)boir jouffr(ouwe) marien va(n) bo(m)male/ dochter wilen jans bastart va(n) bo(m)male en(de) oic inden name en(de)/ van weeghen en(de) als mo(m)boir der kinde(re)n pierchons wilen lorain/ de welke de selve lowar lorein h(ier) inne gelooft heeft te v(er)vangen/ ter eender zijden en(de) lodewijke va(n) bo(m)male brueder der voirs(creven)/ jouffr(ouwe) marien ter ande(re) van diversen eysschen en(de) gebreken die zij/ aen malcande(re)n uutstaen(de) mochten hebben het zij vanden haefliken/ oft gereeden goeden gebleven en(de) verstorven nae de doot des voirs(creven)/ wilen jans bastart van bo(m)male d(aer)af de voirs(creven) lowar loreyn mey(n)de/ part en(de) porcie en(de) om dwelc p(ar)tien tegen malcande(re)n gedingt
//
hadden inde banck te bo(m)male soe v(er)re dat de scepen(en) d(aer)af een/ hootvaert hadden begrepen en(de) d(aer)af alhier tproces gehadt/ bracht voir scepen(en) van loeven(en) en(de) al tghene anders des de voirs(reven)/ lowar lorein van zijns selfs wegen totten voirs(creven) lod(ewijcke) va(n) bo(m)male/ te seggen mach hebben het zij in aenlegg(er)s oft verweerders/ stadt totten daghe toe van heden van wat saken oft stucken/ dat zij en(de) ter ande(r) zijden van al tghene des de voirs(creven) lodewijc/ van bo(m)male ten selven lodewijke zijne(n) swager oft ten voirs(creven)/ kinde(re)n wilen pierchon w(er)t te seggen mach hebben in wat manie(re)n/ dat zij tot desen daghe toe hebben hen de selve p(ar)tien gesubmitteert/ en(de) verbonden in segge(re)n en(de) vriendelike yeffene(re)n Te weten de/ voirs(creven) lowij loreyn in meeste(re)n ja(n)ne lobbe advocaet en(de) de voirs(creven)/ lodewijc va(n) bo(m)male in henr(icke) hanckart secretar(is) der stad van/ loeven(en) in sulker vuegen dat elc p(ar)tie alle de selve zij(n) gebreken/ den segge(re) vanden ande(re) overgeven sal in gescrifte d(aer)af elck d(aer)op/ die overgeg(even) wordden copie nemen sal tzijnen coste en(de) antwerden/ op sanders gebreken oic met gescrifte en(de) al bynnen viii dagen/ naestcomen(de) en(de) die overgehadt sullen de seggers informacie/ ofts behoeft inder saken nemen by(n)nen viii daghen d(aer)nae en(de) by(n)nen/ xiiii nachten d(aer)nae sullen de seggers hue(re) uutsprake d(aer)af doen/ op dat zijs eens zijn promitt(ens) rat(um) en(de) oft e(n)niger p(ar)tien/ segge(re) gebrake ande(re) in die stad te moegen setten cor(am) roel(ants) thenis/ junii xxvi