Achtervolgen(de) der voirs(creven) submissien es mits dat p(ar)tien in/ wederzijden afgegaen zijn der voirs(creven) genoemder termijne(n) en(de) der/ gescriften over te gheven mair met monde de gebreken ende/ v(er)antweerden opgedaen zijn en(de) zij begheert hebben de so(m)mie(re) uutsprake/ der voirs(creven) segge(re)n uutsprake dat de voirs(creven) daneel sal alsoe vele doen/ aen mijne(n) hee(re) van sombreff dat hij te vreden zijn sal van alsulker/ aenspraken als pira de mont meye(r) van monstir sur til op hem/ gedaen hadde voir de wet van mostir sur til by(n)nen eender maent/ naestcomen(de) oft in gebreke van dien soe sal de voirs(creven) daneel van/ dien bliven in rechte voir meye(r) en(de) scepen(en) van monstir sur tilh voirs(creven)/ en(de) te verwachten(e) al tghene des trecht wijsen sal en(de) als vand(en) costen/ die de vorste(r) aldair eysschen(de) es uut saken van desen gedinge soe es/ der segge(re)n voirs(creven) uutsprake dat de voirs(creven) daneel den voirs(creven) vorste(r) te/ monstir sur tilh geheelijc contente(re)n sal by(n)nen eender mae(n)t naestcomen(de)/ es noch der voirs(creven) segge(re)n uutsprake dat de voirs(creven) daneel betalen/ sal den voirs(creven) pira du mont meye(r) va(n) monstir sur til voir alle/ de costen die hij gedaen mach hebben het zij te monstir sur til voirs(creven)/ oft voir meye(r) en(de) scepen(en) van loeven(en) oft elders vijf r(inssche) g(uldenen) te xx stuv(er)s/ den guld(en) en(de) drie pl(a)c(ken) p(ro) stuf(ero) tusschen dit en(de) kersmisse naest/ comen(de) te betalen(e) ta(m)q(uam) ass(ecutu)[m] cor(am) buetsele thenis septe(m)br(is) v[ta]