Want arndt back die uuyt crachte van scepen(en) brieve(n) va(n) loven(e)/ ov(er) lang gepasseert houdende en(de) besitten(de) es (½) eene erfrinte vand(er)/ helcht van lxxii gulden rijders opde goede he(re)n jans va(n)/ brabant archidyaken van bruessele toebehoiren(de) te wynge/ gelegen h(ier)nae bescreve(n) ende de selve arndt back hem/ onlanx leden mids gebreke van betalingen der voirscr(even)/ erfrinten ten scriven(e) van des(er) stat de selve goede heeft/ doen leve(re)n alle de selve goede en(de) p(ar)tien dach bescheyden/ oft zij die hadden willen v(er)antweerden oft impugne(re)n de/ voirscr(even) scepen(en) brieve tot eene(n) genoemden daghe ten/ welken noch totte(n) dage va(n) heden p(ar)tie niet gecomparert/ en is soe hebben de hee(re)n scepen(en) van loven(e) t(er) manisse(n)/ smeyers gewese(n) voir een vo(n)nisse nae dat hen behoirlijck/ heeft gebleken bij r(e)sc(ri)pte des meyers va(n) wynghe de/ voirscr(even) leveringe en(de) dach bescheydinge geschiet te zijne/ dat men den voirs(creven) arnde back vande(n) voirscr(even) goede(n)/ houden soude inde macht van zijnre leveringe(n) soe v(er)re/ dat noch voir hen come(n) is in scampno cor(am) scab(inis) oct(obris)/ xvi