Item peter boschma(n) als mo(m)boir katlijne(n) uuyte(n) lyemi(n)gen zijns/ wijfs heeft geloeft woute(re)n bruni(n)x al(ia)s int sweert quijt/ te houden ende allessins schadeloos tontheffen tegen eene(n) yeg(eliken)/ van alsulken acht rinssche gulden(en) en(de) viii st(uvers) den rinssche/ gulden(en) te xx stuv(er)s Alse de selve wouter tande(re)n tijden/ te weten(e) maii v[ta] libro lxxv voe(r) pete(re)n vander most/ als substituyt vanden borg(er)meest(er) geloeft heeft clausen/ uuyte(n) lyemi(n)gen zweer des voirscr(even) pet(er)s en(de) van alle(n) coste(n)/ ende lasten die de selve wouter d(aer)om soude moeten lijden/ ky(n)nende de selve pet(er) dat hij vand(en) reste va(n) dier so(m)men/ dat noch ombetaelt was volcomelijck vand(en) selve(n) wout(ere)n/ v(er)nuecht en(de) wel betaelt cor(am) mole(n) burg(imagistr)[o] junii xxiii/ post nonam