Vander hachten die katlijne van beerhem weduwe anthonijs wilen/ beliaen hadden doen doen aen den p(er)soen jans vand(en) steenwege sone wilen/ claes geheeten coel vand(en) steenwege voir tvoldoen van eene(n) scepen(en)/ brieve van loeven(e) van lxiii r(inssche) g(uldenen) te lx pl(a)c(ken) tstuck die de voirs(creven) jan/ vanden steenweghe huer en(de) marien vanden vordeele huer(er) moeder/ geloofde voir scepen(en) van loeven(e) opden xxvi[te(n)] dach van april int
//
jair van lxxvii gre geregistereert staen(de) onder ons libro lxxvi sijn/ de voirs(creven) katlijne ter eender en(de) de voirs(creven) vand(en) steenwege als geva(n)gen/ man ter ande(re) comen in rechte inde banck voir meye(r) en(de) scepen(en) van/ loeven(e) aldair de selve katlijne dede lesen hue(re)n voirs(creven) scepen(en) brief en(de)/ voirts een p(ro)cu(r)acie en(de) mechticheyt huer gemaect bijder voirs(creven) huer(er)/ moeder sustine(re)nde dat de voirs(creven) jan in hachten bliven soude tot dat/ hij hue(r) dairaf hadde voldaen oft bewijssenisse gedaen van dien voldaen/ te hebben(e) huer des getroesten(de) totten rechte dair tegen de voirs(creven) jan/ hem verantweerden(de) dede seggen datmen bevi(n)den soude bijden date der/ voirs(creven) p(ro)cu(r)acien dat de voirs(creven) katlijne ten tijde der selver was huers/ selfs wijf weduwe des voirs(creven) anthonijs mair nu als de voirs(creven) gelofte/ bij hue(r) was gevo(n)nist en hadde zij des gheen macht want zij hadde/ eene(n) wettigen man die hue(r) mo(m)boir was alsoe dat zij sonder hem/ gheen macht en hadde gehadt die gelofte te vo(n)nisse(n) en(de) ter execucien/ te stellen en(de) alsoe was de hachte dair uut gevolcht tonrechte geschiet/ wair bij hij co(n)cludeerde costeloes ontslagen te wordden(e) te voirde(r) oick wa(n)t/ zij tande(re)n tijden d(air)af hij seke(re) vo(n)nissen exhibeerde vand(er) daet xiiii[c] lxxviii/ aug(usti) viii geseecht hadde vand(en) gebreken der pechtingen dair de voirs(creven)/ schult vand(er) voirg(enoemde) geloften uut spruyten(de) compt gheen ande(re) brieve te/ hebben(e) dan de brieve der pechtingen en(de) hadden gep(rese)nteert zij en(de) hue(r)/ moeder d(air)af genoech te doen(e) dat zij gheen ande(re) brieve en hadden noch/ en wisten dan de brieve vand(er) pechtingen op dwelck de voirs(creven)/ katlijne alt(ri)ce(re)nde dede hue(re)n man nu dair voir oogen zijnde app(ro)be(re)n/ tvoirs(creven) vo(n)nissen bij huer geschiet en(de) de hachte die zij gelijc voe(r) hadden/ doen doen en(de) geloven dat de voirs(creven) vand(en) steenwege met eene(n) gedinge/ soude gestaen en(de) tachtervolgen des tvo(n)nisse tusschen zijn wijf/ en(de) ja(n)ne vand(en) steenwege gewijst soude wordden hopen(de) dat dat/ genoech wa(r)e om den selven vand(en) steenwege in handen hachten te/ bliven oft te voldoen(e) es gewijst bij scepen(en) van loeven(e) ter manissen/ smeyers dat de voirs(creven) katlijne metter voirs(creven) hachten v(er)doolt/ es en(de) gelieft huer die sake te vervolgen dat mach/ zij doen met rechte in sca(m)pno octobr(is) xxii