Vander questien wesen(de) tusschen kerstiane laermans ter eender en(de)/ reyne(re)n ymbrechts ter ande(r) aengaen(de) den costen va(n) rechte beyde vand(er)/ hootvairt onlanx leden tusschen hen gehaelt bij scepen(en) va(n) meerhout/ aen scepen(en) va(n) loeven(e) hue(re)n hoofde om der come(n)scap wille va(n) eender malen/ en(de) ande(re)n costen van rechte die elc p(ar)tie meynde gewo(n)nen te hebben(e) en(de)/ dat dande(r) die sculdich wa(r)e te betalen(e) en(de) des dien ae(n)cleeft hebben hen/ de selve p(ar)tien gesubmitteert in segge(re)n en(de) vriendelike yeffene(re)n te weten(e)/ de voirs(creven) kerstiaen in ja(n)ne laermans zijne(n) vader en(de) de voirs(creven) reyne(r)/ in henr(icke) laermans in sulker vuegen dat de selve seggers elcx meyni(n)ge/ en(de) justificacie vand(en) selven costen vander ander p(ar)tien weder te hebben/ overnemen sullen en(de) hue(r) uutsprake dairaf doen op dat zijs eens/ zijn oft anders die bringen voir scepen(en) va(n) loeven(e) om d(air)af een vo(n)nisse/ te hebben(e) om den wijn en(de) al tusschen dit en(de) morgen metter so(n)nen/ P(ro)mitt(entes) rat(um) cor(am) roelofs py(n)noc nove(m)br(is) ix