Vander questien die op heden bijden raide comen es tusschen lijsbette(n)/ weduwe wilen b(ar)telmeeus le chene ter eender en(de) piera de broec ter ande(re)/ aldair de selve peter de voirs(creven) weduwe metter stad brieve(n) dach bescheyde(n)/ hadde mits dien dat hij begheerde achtervolgen(de) seke(re) vo(n)nissen staen(de)/ opde derde came(r) te hebben(e) zeke(re) vruchten va(n) coren liggen(de) in een schue(re)/ der selver weduwen toebehoiren(de) die(n) zij alsoe hij seyde den selven/ niet en wouden laten volgen inder maten tselve vo(n)nisse dat/ inhadde mair die metter wet va(n) foul hadde [doe(n)] beco(m)me(re)n bege(re)nde/ dat zij dair toe met rechte bedwongen werde dair tegen de/ selve lijsbeth seyt hoe dat zij bereet was vanden vruchten hue(re)/ hande te doen(e) en(de) die den selven pete(re)n te laten volgen bij alsoe/ zij betaelt wae(re) van huer(en) hueren van eene(n) halven mudde corens/ eens vanden tijde dat die selve vruchten dair gelegen hadden/ in sequester tusschen den voirs(creven) pete(re)n en(de) woute(re)n le chene meye(r) te/ foul va(n) s(in)[te] denijs [tot ludic] hopen(de) en(de) meynen(de) dat zij vanden vruchten niet/ sculdich en wae(re) te scheyden(e) zij en soude zijn v(er)nuecht geven(de) oic te ky(n)nen/ hoe dat zij de selve vruchten aldair hadde doen becu(m)me(re)n mett(er) wet aldair/ om d(air)van betaelt te wesen(e) eer zij uuter schue(re)n gedaen soude werden en(de)/ nae seke(re) woirden bij den p(ar)tien in wederzijde gealligeert luttel inden/ rechte dienen(de) en(de) oic nae dien dat peter voirs(creven) sustineerde dat wouter/ le chene meye(r) te foul der hee(re)n va(n) sinte denijs tot luydick die sculdich/ wae(re) te dragen es get(er)mineert bijder stadt dat de voirs(creven) peter v(er)nuegen/ sal der voir(creven) weduwen va(n) huer(en) hue(re)n voirs(creven) en(de) heeft hij e(n)nich gebreck/ van die weder te hebben(e) van woute(re)n voirs(creven) oft ande(re)n dat hij dat/ volge dair en(de) alsoe dat behoirt in (con)silio opidi julii vi