It(em) lowy lorain voir hem selven en(de) als mo(m)boir der kinde(re)n pierchons/ wilen lorain die hij h(ier) inne gelooft te v(er)va(n)gen ter eender zijden/ en(de) lowy va(n) bo(m)male zijn swager hebben ae(n)genomen hen van allen/ alsulcken geschillen als dairaf zij hen submitteerden voir scepen(en)/ van loeven(en) junii xxvi lestleden in seke(re) seggers aldair genoempt/ te kee(re)n in duytsprake en(de) t(er)mi(n)acien vand(er) stadt in sulker vuegen/ dat elc zijnen eysch en(de) gebreken die hij opden ande(re)n meynt te/ hebben(e) overgheven sal in gescrifte den selven raide by(n)nen xv/ dagen naestcomen(de) en(de) elc sal van des anders eysch copie nemen/ en(de) dair op antweerden met gescrifte bynnen viii dagen d(air)nae/ en(de) dae(re)ntynden sal de stadt infor(ma)cie inder saken nemen ofts behoeft/ en(de) voirt hue(r) uutsprake doen soe zij ierst sal co(n)nen p(ro)mitt(entes) rat(um)/ cor(am) buetsele thenis aug(usti) xvii