It(em) zeger van erps f(ilius) reneri in p(rese)ncia heeft genomen en(de) bekint/ dat hij genomen heeft van hee(re)n ph(ilips)e van scoenhove(n) hee(re)/ tot waenrode en(de) tot nurode ridde(r) alle de wynnen(de) lande die/ totten hove van weterbeke opten dach van heden behoiren(de) zijn te/ houden(e) te hebben te wynnen en(de) te bouwene wel en(de) loflijc alsoe/ een goet wy(n)ne sculdich es te wynnen van half merte naestcomen(de)/ en(de) die alsdan metten selven hove en(de) der woeni(n)gen taenveerden en(de)/ te houden ter helicht wy(n)ningen eene(n) t(er)mijn va(n) xii jae(re)n lang deen/ nae dande(r) sonder middel vervolgen(de) en(de) egheen lande ledich laten/ te liggen elcx jairs dae(re)nbynnen om en(de) voe(r) deen helicht van/ allen den vruchten dair op jairlix wassen(de) met vorweerden en(de)/ condicien dat de voirs(creven) h(er) ph(ilip)s alle jae(re) sal moeten coepen xxv/ ma(n)delen stroes dair af sal de wy(n)ne betalen dat derdendeel en(de) sal/ die moeten halen op zijne(n) cost op de mijle omgaens den hove/ en(de) bringhent int voirs(creven) hoff om aldair mest dair af te maken(e)/ en(de) op tvoirs(creven) lant te vue(re)n dairs meest te doen(e) zijn sal It(em) allet/ stroe vand(en) voirs(creven) goeden comen(de) sal de voirs(creven) wy(n)ne moeten int/ hof bringen om dat aldair gesleten en(de) te meste bekeert te worden(e)/ en(de) dat opde voirs(creven) lande te vue(re)n alse wel ten veersten als ten/ naesten ten meesten proffijte It(em) en sal de wy(n)ne egheen stroe/
//
oft mest uute(n) hove moegen vue(re)n anders dan op mijns hee(re)n ph(ilip)s/ lande It(em) en sal de wy(n)ne egheen scape moegen houwen dan die/ zijne zijn It(em) alse de wy(n)ne heeft doen picken oft mayen wynter/ oft somercoren dan moet hij dat goets tijts den voirs(creven) hee(re)n ph(ilips)e/ laten weten en(de) dan moet de selve h(er) ph(ilip)s dair eene(n) goeden man/ synden die tegen den selven wy(n)ne deylen sal alsoet behoirt opt velt/ en(de) de wy(n)ne moet hem den montcost gheven en(de) een bedde decken/ en(de) zijns heerscaps coren voe(r) inde schue(re) vue(re)n en(de) doen tassen/ It(em) soe wa(n)neer h(er) ph(ilip)s zijn coren doet dorsschen dan sal de wy(n)ne/ den derssche(r) den mo(n)tcost gheven en(de) een bedde decken dair voe(r) sal/ hem m(ijn) hee(r) jairlicx gheven sesse halster rogs It(em) sal h(er) ph(ilip)s moege(n)/ doen dorsschen tallen tijden alst hem gelieft als sinte mertens/ dach leden es en(de) niet eer It(em) de wy(n)ne moet den voirs(creven) hee(re)n ph(ilips)e/ eene(n) solde(r) leve(re)n om zijn coren opte leggen(e) dat hijt sluyten mach/ soet hem gelieft It(em) de voirs(creven) wy(n)ne sal mijns hee(re)n coren hoedanich/ dat es te loeven(en) leve(re)n dairt den selven hee(re)n ph(ilips)e gelieve(n) sal It(em) sal/ de voirs(creven) wynne op zijne(n) cost moeten halen alle den leem walm en(de)/ latten diemen aen die huysen die dair nu staen orbe(re)n sal alse te/ doen(e) zijn sal It(em) alsmen dair dect oft plect aen de huysen die/ dair nu staen moet die wy(n)ne den cost gheven en(de) theerscap de/ dachue(re)n It(em) de wy(n)ne sal moegen zijn beerhout houwen oft houbaer/ es in de beemden en(de) aen dat lant sonder e(n)nich hout te halen aen/ die scaerbosschen oft aen die vorlen noch oic aen de grechten vanden/ bosschen It(em) de wy(n)ne sal moegen met consente vanden heerscape/ afhouwen verdoorde appelboomen oft peerboomen en(de) voe(r) elcken/ setten twee pooten va(n) appelboemen oft peerboomen en(de) die wy(n)ne/ en sal egheen recht hebben int opgaen(de) hout opt voirs(creven) goet staen(de)/ It(em) sal de voirs(creven) wy(n)ne alle de huyse en(de) gestijpten vanden voirs(creven)/ goeden houden zijne(n) t(er)mijn due(re)nde wel en(de) loflijc op zijne(n) cost/ vand(en) underster rijkelen nederweert It(em) sal de voirs(creven) wy(n)ne/ moegen voe(r) hem nemen uut allen den voirs(creven) landen een dach(mael)/ lants niet vanden besten noch oic vanden archsten om dairop/ te sayen(e) dat hem gelieve(n) sal sonder den heerscape yet d(air)af/ te deylen(e) It(em) selen de voirs(creven) h(er) ph(ilip)s en(de) de wynne va(n) malcande(re)n/ moegen scheyden op dat hen geliefde ten sesse jae(re)n bij alsoe dat/ de ghene van hen die alsoe scheyden sal willen dat den ande(re)n een/ jair te voe(re)n cu(n)digen sal en(de) soe wa(n)neer zij scheyden willen/
//
soe sal de wy(n)ne moeten besayt laten dat hij besayt vinden sal/ met wyntercoirne omtr(int) drie en(de) een half boender en(de) omtrint/ vier boende(re)n stortten eens o(m)me geackert en(de) de brake eens o(m)me/ geackert en(de) des wynnen tijt sal altijt uutgaen te half merte/ Item es vorweerde als die wy(n)ne oft zijn meester scheyden willen/ soe voe(r) geseecht es soe sal theerscap de voirs(creven) lande selve moegen/ doen sayen en(de) de wy(n)ne sal moeten dat zaet leve(re)n It(em) en sal de/ wy(n)ne gheen horenvee moegen laten gaen opde spruyten oft op die/ scaerbosschen maer zijn p(er)den moegen dair op wel gaen als die/ spruyten out zijn twee jair en(de) schapen als die out zijn drie jair/ en(de) niet eer noch anders It(em) sal die voirs(creven) wy(n)ne moeten houden/ die bosch grechten wel bevreedt als dat heerscap eens op heeft doen/ heffen It(em) de voirs(creven) wynne sal moeten houden op zijne(n) cost alle de/ ryolen waterloep en(de) weegen diemen sculdich es te houden(e) dat/ dair theerscap gheen schade bij en hebbe It(em) noch es vorweerde soe/ wa(n)neer h(er) ph(ilip)s dair doet dorsschen soe en sal de wy(n)ne gheen recht/ hebben dan in caf en(de) stroe It(em) sal de voirs(creven) h(er) ph(ilip)s alle jae(re) een/ cuyle mergels coopen en(de) dien sal de wy(n)ne halen op zijnen cost/ en(de) vue(re)n die opt voirs(creven) lant slants meesten proffijte en(de) daers/ meest behoeft It(em) tot desen heeft de voirs(creven) wy(n)ne gehuert ende/ bekint dat hij gehuert heeft den voirs(creven) t(er)mijn lang due(re)nde/ alle de beemden eeusselen en(de) boegarden en(de) [mette(n)] fruyten dat den hove/ van weterbeke toebehoirt elx jairs dae(re)nbynnen om en(de) voe(r) thien/ rijders te xxvi stuv(er)s tstuc te betalen jairlix ombegrepen te/ meye d(air)af den iersten vallen sal te meye a(n)no lxxxi en(de) alsoe voirtane/ v(er)volgen(de) quol(ibet) ass(ecutu)[m] en(de) alle dese vorweerden (et)c(etera) Inde sunt/ fid(eiussores) d(i)c(t)i coloni ind(ivisim) de voirs(creven) reyne(r) van erps zijn vader en(de) bastijn/ berchmans et duo p(ri)mi insup(er) p(ri)m(us) cor(am) hoelair thenis sept(embris) iii