Want claes puts als geleyt nae deser stadt recht/ voir zijn wettich gebreck uut crachte van scepen(en)/ brieve(n) van loeven(e) tot allen den goeden beyde have en(de)/ erve jans va(n) quaderebbe soe wair die gelegen zijn
//
hem met brieven van des(er) stadt gescr(even) aenden meye(r)/ van he(re)ntals oft zijne(n) stedehoude(r) alle de selve goede heeft/ doen leve(re)n en(de) den selven ja(n)ne dach va(n) rechte alhier/ te co(m)pare(re)n oft hij tegen de voirs(creven) leveri(n)ge yet hadde/ willen allige(re)n oft de voirs(creven) scepen(en) brieve impugne(re)n/ Tot welken daghe noch oick op heden alse ten/ verstreken(en) daghe va(n) rechte de voirs(creven) jan noch nyema(n)t/ van zijne(n) weegen geco(m)pareert en es den voirs(creven) geleydden/ altijt co(m)pare(re)nde en(de) trecht voirt versueken(de) soe verre/ dat scepen(en) van loeven(e) ter manissen smeyers nae dat/ hen behoirlijc heeft gebleken bij rapporte rescripte/ des scoutheyts van he(re)ntals de voirs(creven) leveri(n)ge en(de) dach/ bescheydinge geschiet te zijne gewesen hebben voir een/ vo(n)nisse datmen den voirs(creven) geleydden vanden voirs(creven) goeden/ houden soude inde macht va(n) zijne(n) beleyde en(de) leveri(n)gen/ voirs(creven) alsoe v(er)re alst noch voir scepen(en) comen es in sca(m)pno/ januar(ii) ix