Vander aenspraken die stas de becke(re) als mo(m)boir magriete(n)/ zijns wijfs weduwe arnts wilen mu(n)te(re) scrij(n)makers gedaen/ heeft op ja(n)ne van pachtenbeke van iiii gulden leeuwe die/ de selve pachtenbeke sculdich bleven was den selven wilen/ arnde de mu(n)te(re) d(air)af hem nu als mo(m)boir der voirs(creven) weduwen/ dactie toebehoirde en(de) exhibeerde d(air)af een cedulle die de/ selve van pachtenbeke met zijnder hant gescreve(n) hadde/ en(de) dat hem de voirs(creven) wilen arndt die pe(n)ni(n)ge dueghdelijc/ hadde geleent d(air)af deylde hij hem den eedt seggen(de) en(de) co(n)clude(re)nde (et)c(etera)/ dair tegen [de] voirs(creven) pachtenbeke hem verantwerden(de) bekinde/ de cedulle gescreve(n) en(de) de pe(n)ni(n)ge in leeni(n)gen van hem o(n)tfangen/ te hebben(e) mair dede seggen dat het een quade schult wa(r)e/ diemen niet en soude co(n)nen betalen nam den eedt ten heylige(n)/ dat hij den selven wilen arnde d(air)af wel betaelt hadde op/ dwelck de voirs(creven) stas replice(re)nde dede seggen datmen niet/ bevi(n)den en soude dat d(air)af e(n)nige betalinge was gedaen/ wart gewijst wair de voirs(creven) van pachtenbeke cleerde bij eede/ dat hij den voirs(creven) wilen arnde vand(en) voirs(creven) so(m)men voldaen/ en(de) dueghdelijc betaelt hadde dat hij in dien gevalle der/ aenspraken ongehouden soude zijn nae den welken de/ voirs(creven) van pachtenbeke bij zijne(n) eede d(air)toe gedaen geclaert/ heeft met p(ro)testacien te leyden te herleyden soe lange dat/ hijt geraken soude des hier nae volght Te weten(e) dat/ hij den voirs(creven) wilen arnde in zijne(n) leven(e) noch ter tijt zijnder
//
aflivich(eit) vand(en) voirs(creven) schult niet sculdich en was welken/ eedt de voirs(creven) stas wederleggen(de) meynde niet genoech noch/ geraect te zijne naevolgen(de) den voirs(creven) vo(n)nisse den voirs(creven)/ pachtenbeke de contrarie houden(de) soe v(er)re dat scepen(en)/ inder saken gemaent vo(n)nislijc wijsden dat de selve van/ pachtenbeke niet genoech gedaen en hadde naevolgen(de)/ den voirvo(n)nisse En(de) alsoe is hij nae desen h(er)leyt geweest/ en(de) heeft geclaert bij eede dat hij der weerdynnen des voirs(creven)/ arnts de voirs(creven) schult dueghdelijc heeft betaelt en(de) voldaen/ en(de) dat hij d(air)af niet sculdich en es welken eedt de selve/ stas oick heeft doen wederleggen seggen(de) dat hij in hem selve(n)/ contrarieert den vorsten eede bijden voirs(creven) pachtenbeke/ gedaen gemerct dat hij ierst claert den voirs(creven) wilen/ arnde tertijt zijnder aflivich(eit) niet sculdich te zijne en/ was hij hem niet sculdich soe en hadde hij d(air)af gelijc hij/ dat in zijne(n) nae eede claert der weduwen voirs(creven) gheen/ betalinge te doen(e) co(n)clude(re)nde de selve stas wair zijn wederp(ar)tie/ niet en achtervolcht dierste vo(n)nisse sonder hem selve(n) te/ wederspreken(e) in zijn eeden dat hij hem sculdich soude/ zijn zijne(n) eysch te voldoen(e) Op dwelck scepen(en) gemaent/ gewesen hebben dat hij noch niet genoech gedaen en heeft/ naevolgen(de) den vorsten vo(n)nisse in sca(m)pno januar(ii) ix