Nae dien dat lijsbeth boens dochter wijlen jasp(er)s met/ drie behoirlijcken rasteme(n)ten gevolcht heeft op seke(re) pe(n)ni(n)gen/ edewarde cruypelants toebehoiren(de) staen(de) onder ja(n)ne jossart/ lijne(n)weve(r) woenen(de) in edewaerts huys bijde clerck capelle/ opde veemerct en(de) de conde d(air)af doen doen ten huyse der/ huysvrouwen des voirs(creven) edewaerts gelijc jasp(er) claes vorste(r)/ dat op zijne(n) eede cleerde hebben de scepen(en) va(n) loeven(e) ter/ manissen smeyers gewijst met vo(n)nisse dat de voirs(creven)/ lijsbeth hue(r) schult die zij bij eede verifice(re)n soude aen/ de voirs(creven) pe(n)ni(n)ge v(er)halen soude moegen met coste en(de) co(m)me(r)/ dair op geloepen en(de) dat gedaen heeft terstont d(air)nae de/ voirs(creven) lijsbeth hue(re)n eedt gedaen op ii(½) r(insche) g(ulden) en(de) meer sonder/ de costen dairop geloepen alsoe dat tvo(n)nisse der scepen(en)/ wedero(m)me wijsde dat de selve lijsbeth hue(re) geverificeerde/ schult aen de pe(n)ni(n)ge voirs(creven) met coste en(de) co(m)me(r) dairop/ geloepen v(er)reycken sal moegen in sca(m)pno octobr(is) xxvi