It(em) lodewijck py(n)nock sone wilen amelrijcx py(n)nock ter eender/ en(de) henr(ic) py(n)noc zijn wettich brueder ter ande(re) in p(rese)ncia hebben/ gekint en(de) gelijdt dat zij bij toedoene en(de) onderwijse van/ seke(re)n notabelen p(er)sonen hue(re)n magen en(de) vrienden same(n)tlijc/ overcomen en(de) eenswordden zijn alse van des voirs(creven) lodewijcs/ rechte actien en(de) gedeelte dat hij mits den willigen overgeven(e)/ en(de) consente svoirs(creven) henr(icx) zijns brueders hebben mochte inde leen/ rinte voirmaels v(er)cregen opde goede des hee(re)n va(n) emeryez in/ henegouwe gelegen in welke geheel rinte de selve henr(ic)/ gecleedt en(de) gegoet es der pointen en(de) condicien hier nae/ verclaert die zij malcande(re)n elc soe v(er)re hem dat ae(n)gaet gelooft/ hebben tonderhoude(n) en(de) te voldoen(e) voir he(m) hen hue(re)n erven en(de)/ naecomeli(n)gen Te weten(e) ierst dat de selve lodewijc gekint/ heeft den selve(n) zijnen brueder wettelijc vercocht te hebben(e)/ tselve zijn recht deel en(de) actie vand(en) voirs(creven) rinten va(n) emeriez/ pro certo p(re)cio iiii[c] et xvi flor(enos) renen(ses) te xx stuv(er)s tstuc de/ quo sat(is)f(actum) p(ro)mitt(ens) nullaten(us) alloqui Overgeven(de) en(de) stellen(de)/ erflijc in handen en(de) machten svoir(creven) henr(icx) zijns brueders en(de)/ d(air)op tot desselfs henr(icx) behoef behoirlijc worpen(de) renu(n)cieren(de)/ en(de) v(er)thijden(de) scelden(de) volcomelijc quijte tot behoef desselfs henr(icx)/ allet selve recht dat hij d(air)aen hadde oft hebben mochte/ het zij va(n) successien v(er)sterfenissen die hij d(air)ane hebben mochte/ oft oick va(n) alle kynnessen en(de) consente die de voirs(creven) henr(ick)/ voirmaels voir scepen(en) va(n) loeven(e) bij vrienden oft anders/ gedaen en(de) gegeve(n) mach hebben den selve(n) lodewijke d(air)inne/ te deylen oft anderssins in wat manie(re)n dat het zij app(ro)be(re)nde/ advoe(re)nde confirme(re)nde en(de) ratifice(re)nde alsulken opheffen o(n)tfanck/ alse de selve henr(ick) d(air)af voirmaels alleene mach hebben/ gedaen geloven(de) die en(de) de guedi(n)ge en(de) vestich(eit) die hij d(air)af/ ontfangen heeft a(n)no lxii p(ri)ma dece(m)br(is) voir hof en(de) hee(re) tot/ eeuwigen daghen voir hem en(de) zijn naecomeli(n)gen den voirs(creven)/ henr(icke) en(de) zijne(n) naecomeli(n)gen goet vast gestentich en(de) van/ weerden te houden(e) sonder fraude en(de) argelist Geloven(de) voirts de/ selve lod(ewijck) den voirs(creven) henr(ick) zijne(n) brueder tot zijnder manissen va(n)/ allen den inhouden(e) va(n) desen te gheven(e) en(de) maken op desselfs henr(icx)/ cost brieve va(n) trouwen en(de) ee(re)n onder zijns selfs zegele en(de) oick onder de/ bezegelte va(n) ii notabelen hee(re)n zijne(n) naesten mage(n) va(n) elker zijde(n) die hij/ d(air)toe bidde(n) sal dat zij met en(de) over hem mede bezegele(n) cor(am) roel(ants) liefk(enrode) oct(obris) xxvii