It(em) joes va(n) kessele wettich sone jans wilen va(n) kessele/ van zijne(n) iersten bedde en(de) yde va(n) valckenborch stiemoeder/ des voirs(creven) joes weduwe en(de) naewijf des voirs(creven) wilen jans/ inden name va(n) huer selven en(de) oick van hue(re)n wettigen/ kinde(re)n die zij behouden heeft vand(en) voirs(creven) wilen ja(n)ne/ hue(re)n man die zij hier inne gelooft te verva(n)ghen zijn/ comen voir scepen(en) van loeven(e) hier nae bescreve(n) kynnen(de) en(de)/ lijden(de) dat zij same(n)tlijck ov(er)comen zijn en(de) v(er)eenicht der
//
pointen condicien en(de) vorweerden hier nae volgen(de) die zij/ elc ande(re)n voir hen hue(re)n erfgenamen en(de) naecomelinghen/ gelooft hebben tonderhouden en(de) tachtervolgen en(de) malcande(re)n/ d(air)af altijt vanden ande(re)n versocht voirde(r) vesticheyt doen ten/ coste des gheens diese beghe(r)en mocht ende inden iersten dat/ den voirs(creven) joese ombelet vand(er) voirs(creven) weduwen en(de) hue(re)n/ kinde(re)n en(de) niet tegenstaen(de) e(n)nige(n) testame(n)ten ter co(n)trarien/ die gemaect souden moeghen zijn bij wilen zijnder moeder/ oft zijne(n) vader met hue(re)n consente inden iersten stoel oft oick/ e(n)nige(n) testame(n)ten dien d(air)nae en(de) uut crachte vand(en) voir testa(men)[te]/ voirs(creven) bijden voirs(creven) ja(n)ne wilen van kessele gemaect soude(n) zijn/ met zijne(n) naewive terstont volgen sullen en(de) erflijc bliven/ alle derf en(de) omberuerlike goede die de selve wilen jan va(n)/ kessele zijn vader hadde en(de) besadt ten tijde als desselfs joes moed(er)/ aflivich wert alsoe wel de ghene die in vollen stoele tusschen/ zijne(n) vader en(de) moeder v(er)cregen wardden alse ande(re) die van/ zijns vaders oft zijnder moeder zijden alsdoen ae(n)comen oft/ verschenen wa(r)en wair die belegen zijn oft bevo(n)den mochten/ wordden En(de) aengaen(de) den erfgoeden tusschen den voirs(creven) ja(n)ne/ wilen va(n) kessele en(de) zijne(n) voirs(creven) naewive v(er)cregen insgelijx/ den erfgoeden van huer(er) zijden ae(n)comen oft aengestorven het/ zij voir nae oft in hue(re)n huwelijc en(de) oic den vliegen(de) erve/ dat ten tijde vand(er) aflivich(eit) des voirs(creven) wilen jans de selve/ jan en(de) zijn naewijf besaten weder die dair was ten tijde/ als joes moeder aflivich wart oft zeder v(er)cregen die sullen/ alle erflijc volghen en(de) bliven der voirs(creven) weduwen en(de) hue(re)n/ kinde(re)n sonder den voirs(creven) joese oft zijne(n) erfgenamen d(air)inne/ nu oft naemaels recht oft deel te moeghen sueken oft/ eysschen in e(n)niger manie(re)n renu(n)cieren(de) en(de) v(er)thijden(de) mits desen/ de voirs(creven) weduwe van allen testame(n)ten die huer co(n)trarie/ van desen souden moegen dienen It(em) dat de voirs(creven) joes/ de voirs(creven) weduwe ombelast houden sal van alsulken geloften/ van waerscape oft genoech doen(e) als wilen zijn vader voir/ scepen(en) vander sluysen gedaen heeft pete(re)n va(n) kessele oem/ des voirs(creven) joos en(de) brueder des voirs(creven) wilen jans van xviii mol(vate)/ core(n)s erfspachts der maten van loeven(e) en(de) te loeven(e) gelev(er)t/ die de selve jan wilen den selve(n) pete(re)n zijnen brueder
//
vercocht en(de) gegoedt heeft en(de) hij hadde op seke(re) goede aldair/ gelegen It(em) dat de voirs(creven) joes der voirs(creven) wed(uwe) en(de) hue(re) kinde(re) en(de)/ hue(re) goede tot eeuwigen daghen ongelast laten van alsulken/ rijder erflijck als wilen zijn vader v(er)cocht en(de) beset heeft op huys/ en(de) hoff opten keyberch gelegen in vollen stoele v(er)cregen metten/ iersten wive hebben voirt de voirs(creven) p(ar)tien malcande(re)n quijt/ gescouwen van allen voirde(re)n actien eysschen tichten oft ae(n)spraken/ die zij anders op tegen oft tot malcande(re)n te seggen mochten/ hebben oft teysschen tot desen daghe toe va(n) p(er)soneelen haeflike(n)/ oft civilen actien in e(n)niger manie(re)n Geloven(de) deen dander vand(en)/ inhouden(e) van desen altijt genoech te doen(e) wara(n)t te zijne en(de)/ inne te stane cor(am) boxh(oren) liefkenrode nove(m)br(is) xiii