Want h(er) anthonijs van wairna(n)t prieste(r) als geleyt nae deser/ stad recht voir zijn wettich gebreck uut crachte van scepen(en)
//
brieve(n) van loeven(e) tot allen den goeden beyde have en(de) erve jans/ geheeten gherve wair die gelegen zijn hem met brieve(n) van des(er)/ stadt gescreve(n) aen den meye(r) va(n) gemblours oft zijne(n) stedehoude(r)/ alle de selve goede heeft doen leve(re)n en(de) den selven ja(n)ne dach va(n)/ rechte alhier te co(m)pare(re)n oft hij tegen de voirs(creven) leveri(n)ge yet hadde/ willen allige(re)n heeft doen bescheyden dair hij noch nyema(n)t van/ zijne(n) wegen geco(m)pareert en zijn den voirs(creven) geleydden altijt co(m)pare(re)nde/ en(de) trecht voirt versueken(de) soe hebben de scepen(en) van loeven(e) ter manissen/ smeyers nae dat hen behoirlijc heeft gebleken bij rapporte pauwels/ bierman des(er) stadt bode de voirs(creven) leveri(n)ge en(de) dach bescheydinge/ geschiet te zijne gewesen voir een vo(n)nisse datmen den voirs(creven) geleydde(n)/ vand(en) voirs(creven) goeden houden soude inde macht va(n) zijne(n) beleyde en(de)/ leveri(n)ge voirs(creven) alsoe v(er)re alst noch voir scepen(en) comen es in sca(m)pno eod(em)