It(em) jan frera woenen(de) inde prochie va(n) lymelettes in p(rese)ncia/ heeft genomen van g(er)meyne van meldert als p(ro)cur(eur) jonch(e)r/ lyebrechts va(n) meldert zijns vaders en(de) jouffr(ouwe) katlijne(n)/ py(n)nocx zijnder medegeselli(n)nen de watermoelen gelegen/ te beauquaire inde p(ro)chie va(n) otteigniez Te houden en(de) te/ hebben va(n) kersmisse lestleden eene(n) t(er)mijn va(n) iii(½) ja(r)en d(air)aff den/ t(er)mijn ynden sal s(in)[t] jansmisse a(nn)[o] lxxxvi excluys Elcx/ geheels jairs om en(de) voe(r) xxviii sacken rogs cu(m) va(n)no et/ pe(n)na der maten va(n) wave(r) te wave(r) oft te moriarsart/ te leve(re)n dairt m(ijn) joncke(re)n gelieve(n) sal te weten(e) telken halve(n)/ ja(r)e xiiii sacke d(air)af quol(ibet) ass(ecutu)[m] It(em) de voirs(creven) molde(r) sal gehouden/ zijn de moelen te houden va(n) spillen en(de) ca(m)men de welke hij sal/ moegen halen bij consente vanden diene(r) op m(ijn) joncke(re)n bosch/ en(de) anders niet It(em) de voirs(creven) molde(r) sal gehouden zijn te/ halen(e) ofts noot zij op zijne(n) cost eene(n) moelensteen te loeven(e)/ oft te bruessel dairt m(ijn) jonck(e)r gelieve(n) sal en(de) des sal/ m(ijn) jonch(e)r den oncost betalen aengaen(de) tolle en(de) dier/ gelike en(de) anders niet It(em) de molde(r) sal jairlijcx moeten/ ruymen vi roeden inden vive(r) It(em) sal oick de molde(r)
//
ofts behoeft alle ja(r)e twee daghe wercken aen den dijck/ op zijnen cost It(em) sal noch de selve molde(r) jairlijcx gheve(n)/ m(ijn) jonck(e)r eene(n) coeke te groot vastelavonde van xviii stav(er)s/ It(em) oft de moelen moeste stille staen bij faulten va(n) wercke/ meer dan drie daghe d(air)af salmen hem cortsel doen/ vanden pachte nae gelande vanden tijde It(em) oft m(ijn) jouffr(ouwe)/ te moriarsart lage soe sal de molde(r) huer moeten leve(re)n meel/ voir huer eeten in afslage vanden pachte It(em) de molde(r) en sal/ de moelen ande(re)n lieden voirts niet moegen uutgheven van/ zijnder hant dan bij consente va(n) m(ijn) jonch(e)r(e)n Ende alle dese/ vorweerden cor(am) tybe tants ja(nua)[rii] ix