Na dien dat op heden bijden raide vander stadt jan va(n) maelcote/ ter eender es gecomen die aldair ontboden hadde clase trissene(re) ter/ ande(r) zijden om te hebben(e) alsulken pe(n)ni(n)ge loepen(de) xiiii r(insche) g(ulden)/ en(de) vi stuv(er)s en(de) dat vand(en) goeden jans van voshem tot wiens/ goeden voe(r) de schult voirs(creven) de selve jan va(n) maelcote geleyt was/ om d(air)mede voirts te varen metten selven beleyde om totter/ schult voirs(creven) te geraken dwelck hij gedaen hadde En(de) want/ claes voirs(creven) hem stoot hier inne maecte en(de) belet mits/ seke(re)n rasteme(n)ten die hij p(re)tendeerde opde selve goeden gedaen/ te hebben(e) soe hij seyde dwelck hem niet letten en mochte soe hij/ sustineerde soe begheerde hij dat de voirs(creven) claes hem dairinne/ gheen belet doen en soude en(de) metten rechte werde onderwesen/ hem te laten volghen de voirs(creven) pe(n)ni(n)gen gecomen vand(en) goeden/ voirs(creven) dair tegen de voirs(creven) claes sustineerde de co(n)trarie wa(n)t/ zijn schult quam spruyten(de) soe hij seyde vand(en) futseltolle/ d(air)van jan voirs(creven) hem sculdich mocht wesen dairom hij zijn/ recht gevordert hadde met rasteme(n)ten hopen(de) want die/ den hee(re) ae(n)ghinck dat die p(re)cede(re)n soude d(air)van de voirs(creven)/ jan va(n) maelcote sustineerde gelijc boven de co(n)trarie soe/ es nae dien dat p(ar)tien in wederzijde gehoirt zijn geweest/ den selven bijden raide geappointeert en(de) uutgesproken dat/ claes trissene(re) de pe(n)ni(n)ge dair questie af es setten soude opder/ stadt wissel alhier totten rechte om in tijden en(de) wilen dairvan/ gedaen te werden soe behoe(re)n soude in co(n)silio opidi sept(embris) xxv