Want vranck de coste(re) die met scepen(en) brieven va(n) loeven(e)/ overlang gepasseert heeft en(de) houden(de) es sesse gouden pete(r)s/ jairliker lijfpen(sien) aen en(de) op tdorp en(de) de heerlich(eyt) va(n) meylhem/ met woeni(n)gen huysen hoven wynnen(de) landen beempden eeusselen/ bosschen chijsen rinten erfpachten met allen den rechte en(de) ande(re)n/ zijne(n) toebehoirten hee(re)n baudewijns wilen de he(n)nijn hee(r) va(n) fonteynes/ en(de) va(n) meylhem gelijc hij die te houden(e) en(de) te besitten plach hem/ met brieve(n) van deser stadt gescreve(n) aen den meye(r) va(n) meylhem oft/ zijne(n) stedehoude(r) alle de selve goede heeft doen leve(re)n en(de) den hee(re)/ va(n) meylhem die de voirs(creven) goede nu houden(de) es oft den meye(r) baud(ewijn)/ henri zijne(n) officier en(de) diene(r) in zijne(n) name dach va(n) rechte alh(ier)/ te co(m)pare(re)n oft zij tegen de voirs(creven) leveri(n)ge yet hadden willen allige(re)n/ oft de voirs(creven) scepen(en) brieve impugne(re)n Tot welken daghe die/ op heden alse ten v(er)streken(e) dage va(n) rechte diende de voirs(creven) hee(re)/ va(n) meylhem zijn meye(r) oft yema(n)t va(n) zijne(n) wegen geco(m)pareert/ en zijn den voirs(creven) vrancken de coste(re) altijt co(m)pare(re)nde en(de) trecht voirt/ versueken(de) soe v(er)re dat scepen(en) va(n) loeven(e) ter manissen smeyers/ nae dat hen behoirlijc heeft gebleken bij claernissen pauwels bierman/ deser stadt bode de voirs(creven) leveri(n)ge en(de) dach bescheydinge geschiet/ te zijne gewesen hebben voir een vo(n)nisse datmen den voirs(creven) vra(n)cken/ vand(en) voirs(creven) goeden soe v(er)re die zijn chijs oft eyge(n)goeden houden/ soude inde macht va(n) zijne(n) scepen(en) brieve(n) en(de) leveri(n)gen voirs(creven) alsoe/ v(er)re alst noch voir scepen(en) comen is in sca(m)pno octobr(is) x