Vander aenspraken die henr(ic) va(n) borre als mo(m)boir/ dignen sruyters zijns wijfs gedaen heeft op henr(icke) cappellaens/ al(ia)s looman aldair de selve va(n) borre dede seggen dat/ hij met zijnen medepleg(er)s mette(n) voirs(creven) cappellaens/ overcomen was voirmaels int lavoirken va(n) alsulker/ tocht en(de) rechte als den voirs(creven) cappellaens v(er)schenen en(de)/ gebleven was bijder aflivich(eit) g(er)truyden clee(re)n zijnder huysvr(ouwe)/ moeye vanden selven ae(n)legge(re)n van allen den goeden achter/ hue(r) gebleven gelegen inde prochie va(n) heverle oft elswair/ en(de) dat dat accoirt toeghinc op eene seke(re) so(m)me va(n) pe(n)ni(n)g(en)/ die hij en(de) zijn medepleg(er)s hem geloofden te betalen(e) by(n)nen/ eenen seke(re)n tijde dat voirt dien achtervolgen(de) de voirs(creven)/ cappellaens voir meye(r) en(de) scepen(en) van heverle gekint/ hadde tvoirs(creven) co(n)tract [alsoe] geschiet te zijne en(de) dat de selve/ cappellaens voir de selve alle zijn recht dat hij va(n) tochte/ en(de) anders totten voirs(creven) goeden hadde opgedragen en(de) v(er)tegen
//
hadde sonder e(n)nige condicie en(de) dat alsoe de voirs(creven) ae(n)legge(r)/ naevolgen(de) dier opdracht dair inne gegoet en(de) geerft/ wert en(de) dat de voirs(creven) cappellaens he(m) d(aer)af v(er)nuecht en(de)/ betaelt hadde gekint en(de) gelooft altijt genoech 0te doen(e)/ oft hij yet te nauwe hadde gedaen en(de) dat dae(re)nboven/ en(de) dien niet tegenstaen(de) de selve cappellaens zeder/ was gecomen voir de late des goidshuys va(n) p(er)cke en(de)/ hadde dair opgedragen zijn tocht en(de) allet recht dat hij/ hadde vand(en) voirs(creven) goeden dwelc hij voe(r) ewech gegoedt/ hadde tot behoef bertelmeeus vand(en) broeke en(de) zijnder/ medepleg(er)s dede oic seggen dat hij mits deser ii[ter]/ opdracht en(de) guedi(n)gen want zijn voirs(creven) guede(n)ge voir/ wet te heverle geschiet niet en was te rechte gedaen/ mits dat die hoofden vand(en) voirs(creven) hove va(n) p(er)cke deselve/ goede met vo(n)nisse onlanx verloren hadde alsoe hij dat/ al p(rese)nteerde te bewijsen(e) oft hem ontkint wordde En(de)/ alsoe sustineerde hij dat de voirs(creven) cappellaens gehoude(n)/ soude zijn hem d(air)af inne te stane en(de) dat goet te doen(e)/ dair tegen de voirs(creven) cappellaens hem v(er)antweerden ont/ kinde vele vand(en) voirs(creven) v(er)meten(en) pointen en(de) e(m)mer al waert/ al alsoe des neen soe meynde hij nochtan d(air)af ongehouden/ te zijne bij diversen reden(en) luttel in rechte dienen(de) es/ gewijst bij scepen(en) va(n) loeven(e) ter manissen smeyers nae/ dat de voirs(creven) ae(n)legge(r) tsijne(n) thoene gewijst zijnde zijns/ v(er)meets genoech was volcomen dat de voirs(creven) cappellaens/ gehouden sal zijn den voirs(creven) ae(n)legge(re)n tractaet te voldoen(e)/ nae de geloften va(n) genoech doen(e) hem d(air)af gedaen cor(am) o(mn)ib(us)/ scab(inis) de(m)pto abs(oloens) octobr(is) ulti(m)a Et habuit q(ue)rela(s) cor(am) tybe/ tants dece(m)b(ris) [octobr(is)] ulti(m)a a(nn)[o] lxxxii Et est add(uc)[tus] ad mo(bilia) et i(m)mo(bilia) cor(am) eisd(em) eisd(em) scab(in)is/ dece(m)br(is) ulti(m)a a(nn)[o] lxxxii sequent(es)