Nae dien dat op heden bijden raide vander stadt es geweest/ raes van baussele gheven(de) aldair te kynnen hoe dat hij/ aldair ontboden hadde eene(n) geheeten roelant vander loo met/ eenen vand(er) stadt boden geheeten machiel va(n) bo(m)male die dat/ affirmeerde alsoe geschiet te zijne op zijne(n) eedt bij hen en(de) dat/ den dach op heden diende en(de) dat mits dien dat de selve/ roelant seke(re) pe(n)i(n)gen gesedt hadde onder de wet alhier om/ te scutten(e) alsulken dagheme(n)t als de selve raes in veerden was/ te doen(e) uut gebreke va(n) lxi stuv(er)s tsjaers erflijck op seke(re)/ erfgronde gelegen in s(in)[te] qui(n)tenstrate dair hij de selve rinte/ op hadde den selven roelofve toebehoire(n)de beghe(re)nde dat hem/ de gesedte pe(n)ni(n)gen volghen mochten en(de) dat vand(en) t(er)mijne va(n)/ s(in)[t] jansmisse lestleden gevallen tot lxi stuv(er)s toe en(de) stuvers/ metten sterten gemerct der outheyt der selver rinten p(rese)nteren(de)/ borchtocht te stellen(e) den rechte genoech zijnde in alsoe v(er)re/ hij te vele ontfangen hadde weder te keeren(e) ter t(er)mi(n)acien/ vander stadt des trecht wijsen soude hopen(de) want roelant/ niet en co(m)pareerde dat hem dat gebue(re)n soude en(de) in zijn scepen(en)/ brieve(n) en(de) rinten voirs(creven) alsoe gehouden wordden totter tijt dat/ dat nairde(r) verclaert soude wesen bijder wet alhier inder maten/ voirs(creven) es den selven uutgesproken en(de) get(er)mineert bijden raide/ vand(er) stadt dat de voirs(creven) raes zijn rinte trecken soude inder maten/ voirs(creven) vanden gesetten pe(n)ni(n)gen opte p(rese)ntacie bij hem gedaen ende/ geoffert in co(n)silio nove(m)br(is) vi