Vanden voirtstelle dat h(er) jan de grove prieste(r) en(de) jacop/ v(er)noeyen voirtstelden als dat zij meynden voirt te va(r)en en(de) te/ co(n)clude(re)n tegen joese wilts soe wel inden name en(de) als p(ro)cur(eur)/ machtelden sgroven als voir dande(r) p(er)sonen die hem geco(n)stit(ueert)/ hadden welk voirnemen de selve joes scutte seggen(de) wa(n)t/ de selve machtelt zeder aflivich wa(r)e wordden soe was de/ p(ro)cu(r)acie bij hue(r) gegeve(n) oic doot en(de) te nyeute en(de) dairo(m)me/ wa(r)en zij verdoolt te willen co(n)clude(re)n inden ma name va(n) hue(r)/ en(de) als hue(r) p(ro)cur(eur) dair tegen de wederp(ar)tie altrice(re)nde sustineerde/ de co(n)trarie te voirde(r) want de voirs(creven) jacop geleyt was totten/ goeden der voirs(creven) machtelden en(de) alsoe mocht hij dat doen uut/ actien van zijne(n) beleyde dair tegen de wederp(ar)tie hielt de/ co(n)trarie want hij die sake alse geleyt niet inne gesteken/ en hadde noch daensprake en was alsoe niet geschiet es/ gewijst gelieft den ae(n)legge(re)n voirt te va(r)en inder saken voir hem/ selven en(de) oic voir de gebruede(re)n va(n) overbeke d(air)af p(ro)cu(r)acie/ blijct dat zij dat doen mochten in sca(m)pno nove(m)br(is) xxvi