It(em) reyne(r) jacops sone wilen jacops jacops woenen(de) inde/ prochie va(n) beckevoirt in p(rese)ncia heeft genomen en(de) bekint/ genomen te hebben(e) van hee(re)n leonarde va(n) gryboval/ abdt des goidshuys van vliederbeke thoff desselfs goidshuys/ gelegen te moelenbeke metten huysen hoven wynnen(de)/ landen bosschen en(de) thienden dair toe hoiren(de) soe v(er)re henr(ic)/ maes die tot noch toe gehouden heeft te houden te hebben/ te wynnen en(de) te gebruycken van half merte naestcomen(de)/ eene(n) t(er)mijn va(n) xii ja(r)en lang vervolgen(de) Elx jairs dae(re)n/ bynnen om en(de) voe(r) twee mudden rogs goets en(de) payabels/ wel bereit met wa(n)ne en(de) vloegelen en(de) xi rinssche guld(en)/ te lx pl(a)c(ken) tstuck Te weten den voirs(creven) rogge s(in)[t] andriesmisse/ ap(oste)ls te betalen(e) ende inden goidshuyse oft te loeven(e) dair mijne(n)/ hee(re) den abdt dat best gelieven sal te leve(re)n en(de) tghelt jairlix/ s(in)[te] remeysmisse te betalen(e) mijne(n) hee(re) den abdt des voirs(creven)/ goidshuys jairlix den voirs(creven) t(er)mijn due(re)nde quol(ibet) ass(ecutu)[m] Met/ vorweerden dat de voirs(creven) wynne jairlix boven desen soe in/ tijts betalen sal den chijs uuten voirs(creven) goeden gaen(de) dat tselve/ goidshuys dair bij niet beschadicht en zij want hij die schade/ oftse geschiedde soude moeten ghelden tsijne(n) laste sonder afslach/ van des voirs(creven) steet It(em) sal voirt de voirs(creven) wynne de voirg(eruerde)/ goede zijne(n) t(er)mijn due(re)nde houden wynnen werven ende/ mesten wel en(de) losl loflijc gelijc reengenoten boven en(de)/ beneden en(de) die laten tsijne(n) afscheyden soe hij die ae(n)veerde/ tsijne(n) ae(n)comen Te weten(e) dbloocxken achter de schue(re) met/ wyntercorene besayt wel en(de) loflijck op vier getidege vo(r)en/ de twee boender vanden viven beneden thoff stortte/ en(de) de drie boender aldair brake It(em) sal de voirs(creven) wy(n)ne/ zijnen t(er)mijn due(re)nde tsijne(n) laste moeten inneheffen alle/ des voirs(creven) goidshuys chijs rechten en(de) vervallen va(n) po(n)tpe(n)ni(n)gen/ en(de) ande(re)n gelegen te moelenbeke voirs(creven) en(de) dair omtrint/ en(de) dien int voirs(creven) goidshuys jairlijcx overleve(re)n en(de) d(air)af/ goede wettige rekeni(n)ge en(de) bewijssenisse mijne(n) hee(re) doen/ It(em) sal de voirs(creven) wynne tscaerhout vand(en) bosschen voirs(creven)/ moegen houwen bynnen den voirs(creven) t(er)mijne tweewerf/ behalven dat hij gheen opgaen(de) hout en sal moegen/ stru(n)cken noch die noch oic stru(n)ceycken moege(n) afhouwen/En(de) alle dese vorweerden It(em) es noch vorweerde dat / de voirs(creven) wynne zijne(n) voirs(creven) t(er)mijn due(re)nde de voirs(creven)
//
huysen houden sal van wande en(de) dake sonder des voirs(creven)/ goidshuys cost En(de) alle dese vorweerden [(et)c(etera)] en(de) hier voe(r)/ zijn borghen des voirs(creven) wynnen jacop jacops en(de) henr(ic) jacops/ gebruede(re)n Et p(ri)m[(us)] cor(am) liefkenrode hoeve(n) dece(m)br(is) xvii