It(em) de voirscr(even) jouffr(ouwe) ka(tlij)[ne] van overwynge wed(uwe) henricx wilen/ vanden berghe in p(rese)ntia heeft gekint ende gelijt dat sij/ jouffr(ouwe) lijsbetten huer(er) docht(er) ema(ncipa)[ta] inde stadt van tgene des/ zij wijlen jouffr(ouwe) marien huer(er) andere docht(er) mit jacoppe van/ dongelb(er)ge gegeven heeft in duytstellen van hue(r) gegeven/ getransporteert ende bewesen heeft en(de) met desen gheeft t(ra)ns/ porteert en(de) bewijst de goede h(ier) nae bescreve(n) Ierst i bedde/ van iii(½) ellen met eene(n) hootpoluwe coetsen rode sargien gordijne(n)/ dair toe mette(n) gherden setele tritso(r)e vondzijdele al opde rode/ came(r) It(em) i dossijne cussen(en) verwapent mett(er) wapen(en) vand(er)/ selv(er) jouffr(ouwe) lijsbetten vader en(de) moeder Item de ii rode verwapen(de)/ sitteclede(re)n mett(er) selv(er) wapen(en) Item ii sargen totten voirs(creven) bedde/ mett(er) selver wapen(en) verwapent It(em) en(de) de groote scrijne inde/ nedercame(r) Consente(re)nde dat hue(r) docht(er) voirs(creven) dair mede/ doen hue(re)n p(ro)pe(re)n wille tallen tijden alst hue(r) gelieft cor(am) eisd(em)