Ten ernstigen v(er)sueke henricx braecmans en(de) jacops straesborch/ als mo(m)boir katlijne(n) braecmans zijns wijfs suster des voirs(creven) henr(ix)/ als naeste erfgenamen henrix wilen braecmans huers vaders zijn/ bij eede overhoort henrick straesborch al(ia)s roecx van binckem gort/ hanckart jan hoelair wouter van ende geheete(n) vaes opde pointen/ hier nae bescreven die welke tuychden openbairlijc dat hen wel/ kinlijc en(de) indinckich es dat des meer dan xx jair geleden es/ henrick vanden eynde geheeten vaes voir hen die tuygen en(de) meer/ ande(re) getuygen dair onder wa(r)en wel sesse scepen(en) va(n) binckem/ dairbij noch wesen(de) doen leven(de) en(de) nu aflivich zijnde overgaf/ den voirs(creven) wilen henr(ick) braecmans der voirg(enoemde) kinde(re)n braecmans vader/ voir diverse lasten va(n) borchtochten van thien rijders lijfpen(sien) elken te/ quiten met thien gelike rijders dair vo(r)e de selve wilen henr(ick)/ braecman des voirs(creven) wilen henr(ix) vanden eynde borghe was/ aen diverse p(er)sonen als thorien gheylincx gheerde amours/ sande(re)n va(n) oerbeke en(de) ande(re) die de selve braecmans den voirs(creven)/ vanden eynde afnam en(de) maecte hem p(ri)ncipael dair hij mair/ borghe en was zeke(r) leengoede gelegen te binckem in eene(n) stucke/ houden(de) vi dach(mael) beempts oft dair omtrint gehouden vanden/ goidshuyse van vlierbeke tusschen dblock wy(n)nens lants wout(er)/ vaes ter eender en(de) dendeveldeken ter ande(r) diverse p(er)sonen/ toebeho(r)ende ter ande(r) zijden en(de) dat de voirs(creven) wilen henr(ick) va(n)d(en) eynde
//
want zijn sone buten lants te roomen zijnde int selve leen/ steet geloofde den voirs(creven) wilen henr(ick) braecmans dat hij den/ selven zijnen sone in dien hebben soude en(de) soe v(er)re v(er)vaen dat/ hij des leens tot desselfs henr(icx) braecmans behoef afgaen soude/ en(de) den selven braecma(n)ne dair inne goeden en(de) vestigen en(de)/ dat alsoe dien achtervolgen(de) de selve braecmans voe(r) en(de)/ zijne kinde(re) nae yezeder en(de) tot noch toe de selve goede peyslijc/ en(de) vredelijc onge[vacat] en(de) ongestoert gehouden hebben/ gelijc hue(re)n ande(re)n erve en(de) alnoch houden en(de) dat de selve/ braecmans dair op des voirs(creven) vanden eynde co(m)me(re)n en(de) lijftochte(n)/ te hemweert en(de) tsijne(n) laste den voirs(creven) vand(en) eynde afgenome(n)/ heeft en(de) betaelt uut versueke desselfs wilen henr(icx) vanden/ eynde en(de) dat de selve vand(en) eynde als dat gebuerde sat/ in vollen stoele met zijnder weerdy(n)nen En(de) want dair/ bevonden was dat de voirs(creven) braecman metten voirs(creven) leene/ niet toecomen en soude dat de voirs(creven) van eynde hem dair vo(r)e/ noch toevuechde tgoed geheete(n) van herckenrode dat hen/ allen behalven gorde hanckart voirt kinlijc es dat de voirs(creven)/ braecmans alse hem de voirs(creven) lijftocht gelijc vo(r)e te laste comen/ was om die te lossen oft een deel van dien v(er)cocht van zijne(n)/ p(ro)pe(re)n goeden te binckem gelegen iiii sacken corens erflijc en(de)/ dat so(m)mige vanden selven lijfpen(sien) noch opden dach van heden/ staen te ghelden en(de) dat die zom zeder verstorven es boven/ de ghene die gelijc vo(r)e met henr(ick) braecmans v(er)cochten/ goeden oft pachten v(er)cocht es gelost es dese deposicien/ zijn aldus bijden voirs(creven) p(ar)tien geschiet bij eede gestaeft bij/ coenrarde de rijke vorste(r) ter p(rese)ncien buetsel borg(er)meesters/ boxhore(n) liefk(enrode) hoeve(n) tybe scab(inis) julii [m(ar)cii] vi