It(em) margriete vand(en)berghe weduwe henr(ix) wilen gheerts die/ metten selve(n) hue(re)n ma(n)ne a(n)no lxix ulti(m)a julii huerde tegen/ henr(icke) hue(re)n vader desselfs henr(ix) huyse en(de) hove mette(n) lande/ inde hoolstrate met omtr(ent) drie vierdel lants bute(n) der porte(n)/ aen den voetwech gaen(de) te p(er)cke weert aen om thien rinsscheguld(en)/ te xxi stuv(er)s tstuck jairlix henr(ix) leefdage lang jair half te/ kersmisse en(de) half s(in)[t] jansmisse te betalen(e) inder maten de brieve/ dat nairde(r) uutwijsen ter eender zijden en(de) de selve henr(ic) hue(r)/ vader ter ande(re) in p(rese)ncia hebben gekint en(de) gelijdt dat zij/ tsame(n)tlijc v(er)accordeert zijn der pointen nae bescreve(n) die zij/ elc ande(re)n gelooft hebben tonderhouden Ierst dat de voirs(creven) zijn/ dochter den selve(n) henr(ic) hue(re)n vader zijn leefdaghe lang/ om hem te bat te moegen ontdraghen en(de) te voirde(r) want hij/ huer peyslijc sal laten volghen en(de) gebruyken alsulken vliegen(de) erve
//
hem toebehoiren(de) als zij onderheeft en(de) oick de ghene die henr(ic)/ noch thuys heeft va(n) zijnder zijden gecomen behalven dat hij/ vanden ghenen die hij thuys heeft alleene behouden sal tsijne(n) wille/ een tritsoer een vouzijdele en(de) een lavoir inde stadt vanden selven/ x rinssche gulden(en) tsjaers jairlijcx gheven en(de) betalen sal xv r(inssche) guld(en)/ te xxi stuv(er)s alle vierdel jairs van s(in)[te] jansmisse naestcomen(de) voirtaen/ tvierdel d(air)af quol(ibet) ass(ecutu)[m] En(de) voir den tijt va(n) kersmisse lestleden/ tot s(in)[t] jansmisse naestcomen(de) sal de selve m(ar)griete den voirs(creven) henr(ick)/ hue(re)n vader gheven ten selven s(in)[t] jansmisse vi r(inssche) g(ulden) en(de) vi vijf stuv(er)s/ den gulden(en) te xx stuv(er)s En(de) inde stadt vand(en) voirs(creven) tritsoere vouzijdele/ en(de) lavoir sal de voirs(creven) m(ar)griete hebben nae huers vaders doot een/ silve(re)n schale en(de) oic een bedde en(de) een oercussen welck bedde en(de) oercussen/ de selve m(ar)griete den selve(n) henr(ick) gelaten heeft zijn leefdage lang/ cor(am) boxhore(n) liefkenrode m(ar)cii xxi