Nae dien dat goirt de bije als procur(eur) he(re)n claes vand(en) w(er)ve/ inde banck voir meye(r) en(de) scepen(en) va(n) loven(e) versocht heeft tre(n)voy/ te geschieden(e) vanden v(er)volge dat de selve h(er) claes oft procur(eur) va(n)/ zijne(n) wege(n) hadde doe(n) doen op zeke(re) erfrinten wilen anth(onijs) van/ quaderebbe gelege(n) en(de) verpant opde goede en(de) heerlich(eit) va(n)/ grobbendonck welck v(er)volch jan va(n) quaderebbe als poirte(r) va(n)/ deser stat wettich brueder vand(en) voirscr(even) wijlen anth(onijs) midts dat/ / die rinte hem hem toebehoire(n) soude met brieve(n) vander stadt/ aenden schouth(eit) en(de) ma(n)nen va(n) santhove(n) nae dat die gesciet/ was hadde doe(n) afscrive(n) sustine(re)nde dat tselve tre(n)voy niet/ sculdich en wa(r)e te geschieden(e) want hij p(rese)nteerde te bewise(n)/ ofts noot wa(r)e en(de) hem ontkint worde dat tselve vervolch/ was gesciet voir p(er)soneel actie en(de) haeflijcke scult v(er)ceelt/ van h(er)toge ph(ilip)s tijde als hij yerstwerff voir devente(re)n toech/ bijden voirs(creven) wijle(n) anth(onijs) welke scult puer in huer selven/ p(er)soneel was en(de) egheenssins en behoirde t(er) ky(n)nissen vander/ banck van santhove(n) mair alleene alh(ier) in de banck als va(n)/ p(er)sonele(n) eysschen mids zijnder voirs(creven) vriheyt rechte hem des/ gedragen(de) totten he(re)n den rechte Dair tegen de procur(eur) niet/ ontkynnen(de) mair genoech bekynnen(de) dat zijns meest(er)s gebreck/ was haeflijke scult dede segge(n) datme(n) mids bank(en)recht/ haeflijke sculden op erflijcke goeden volgen mochte ende/ die d(aer) voe(r) uuytwi(n)nen ende want hij anders niet en/ volchde dan op erflich(eit) soe tendeerde hij totte(n) voirs(creven) re(n)voye/ te voirde(r) want me(n) ofts behoefde d(er) voirs(creven) banck recht/ alsoe bevi(n)den soude den voirs(creven) va(n) quaderebbe d(aer)op allige(re)nde/ en(de) hem niet stooten(de) aender bancken recht mair alleene/ aende vrih(eit) zijnder poirterien bijd(er) welk(er) hij en(de) alle zij(n)/ goede soe hij hoepte va(n) alle(n) p(er)sonele(n) actie(n) en(de) haeflijke(n) eyssche(n)/ alhier behoirde Es gewijst bij vo(n)nise d(er) scepen(en) t(er) manissen/ smeyers dat de voirscr(even) procur(eur) met zijne(n) versueke vand(en)/ renvoye verdeelt is in scampno p(rese)ntib(us) py(n)nock opp(endorp) hove/ tants scab(inis) januarii xv