Item jan dierix zone wilen jans ende henrick dirix zij(n) brued(er)/ beyde van rillair in p(rese)ncia hebben gekint ende gelijt met/ consente wille weten(e) bijzijne en(de) ov(er)geven(e) katlijne(n) bosscharts/ weduwe des voirs(creven) wijlen jans dierix huer(er) moeder dat zij/ met malcande(re)n eensworden en(de) v(er)accordeert zij(n) der punte(n) cond(icie)[en]/ en(de) vorweerden h(ier) nae v(er)cleert die zij voir hen hue(re)n erve(n) en(de) nacomeli(n)g(en)/ malcande(re)n geloeft hebben tonderhouden(e) ende tacht(er)volgen(e) Yerst/ dat den voirscr(even) henricke t(er) stont volgen sal niet tege(n)staen(de)/ de tocht van zijnder moeder een stuck boschs gelegen onder/ misselbroeck tusschen de goede arnts reers t(er) eender en stasse/ luykers t(er) ande(re) Ende hier mede sal de voirscr(even) henr(ic) uutblive(n)/ ende te vreden zijn van allen den goeden het zij have oft erve/ die hem nae de doot van zijne(n) voirs(creven) vader verstorve(n) moege(n)/ zijn oft nae de doot van zijnder moeder toecome(n) souden moege(n)/ soe v(er)re de selve moeder die nu tertijt mett(er) hant heeft/ Ende t(er) ande(re) zijden sullen den voirscr(even) ja(n)ne volgen alle/ de ande(re) goede beruerlijck en(de) omberuerlijck hoedanich die/ zijn wair die gelegen oft bevonden zullen moege(n) worden/ die de voirs(creven) zijn vader en(de) moeder tsame(n) oft de moeder/ alleene he beseten hebben zonder dat de voirscr(even) henrick/ d(aer)inne nu oft naede doot zijnder voirs(creven) moeder e(n)nich recht/ sal moegen hebben oft eysschen in e(n)niger manie(re)n Des/ sal de selve jan zijnder voirs(creven) moeder d(aer)op hue(re) leefdaghe/ lanck tamelijck houden va(n) eten(e) van drincken(e) va(n) clede(re)n/ schoen en(de) anders des huer behoeve(n) sal met condicien oft/ / de voirscr(even) jan te huwelijcke toge ende der voirs(creven)/ zijnder moeder alsdan niet en geliefde bij hem te bliven(e)/ oft dat hij huer niet en dade hue(r) behoefte al en wae(re)/ hij oick niet gehouwet soe soude de voirs(creven) moeder/ hue(r) hant aende goede des voirs(creven) jans hem alsnu/ ov(er)gegeve(n) moegen slaen en(de) die aenveerden ende te/ huerwert trecken gelijck oft dit tractaet niet gesciet/ en wae(r) Ende op alle dese vorweerd(en) en(de) condicien sulle(n)/ de voirscr(even) gebruede(re)n elck op des anders gedeelte v(er)tid(en)/ p(ro)mitt(entes) sat(isfacere) cor(am) berge nausnyde(re) augusti xxix