Het zijn come(n) in rechte inde banck voir meye(r) en(de) scep(enen) van/ loven(e) wille(m) van leefdale als geleyt nae des(er) stat recht ond(er) den/ ande(re)n tot alle(n) d(er) goede(n) beyde have en(de) erve jacops wijlen van/ nuysberge t(er) eender en(de) jan mag(er)man t(er) ande(re) ald(aer) de voirs(creven) geleidde/ v(er)stae(n) hebben(de) dat de voirs(creven) jan mag(er)man met rasteme(n)ten gevolcht/ hadde op selve(n) haeflijcke goede desselfs wijle(n) jacops en gewijst/ zijnde nae dat de diene(r) bij voirgaen(de) vo(n)nisse va(n) scep(enen) vanden/ rasteme(n)te gehoirt was tott(er) ver(i)ficacien va(n) zijnd(er) scult heeft/ doe(n) lesen yerst dbeleyt d(aer)mede anth(onis) zedele(re) opde(n) xxvii[t(en)] dach/ van oechst lestled(en) tot alle(n) den goeden voirs(creven) Ende voirt een zek(er)/ t(ran)sport dat de selve geleyde vand(en) selve(n) zijne(n) br(ieven) en(de) beleyde/ hadde gedae(n) soe inden voirscr(even) geleydde(n) soe in stasse roelofs/ en(de) d(aer)enbove(n) dbeleyt dat hij willem hadde doen doen opte(n) ii[ten]/ dach septembr(is) lestled(en) totten voirs(creven) goeden voir ii rijd(er)s/ lijfpen(sie) bebrieft met scepen(en) brieve(n) van loven(e) vander/ daet xiiii[c] lxxii julii xiiii Ende d(aer)entende(n) gesustinert/ dat hem en(de) zijne(n) beleyde tot zijnd(er) wettig(er) schult behoef/ de selve goede den voirscr(even) rasteme(n)te en(de) v(er)volghe niet/ tegenstaen(de) volghen soude en(de) schuldich wae(r) te volge(n) en(de)/ dat zijn beleyt den rasteme(n)te en(de) v(er)volge voirg(eruert) p(re)cede(re)n/ soude te voirde(r) want d(aer)inne gheene uuyt(er)lijcke vo(n)nisse/ alnoch en was gegeve(n) en(de) dat hem oick noyt gheen conde/ / van rechte d(aer)op en was geschiet D(aer)tegen de voirs(creven)/ jan de contrarie sustineerde geme(r)ct datter vo(n)nissen/ inne ware(n) gegeve(n) e(m)mer vand(en) diene(r) taenhoire(n) en(de) zij(n)/ scult te ver(i)fice(re)n te vorde(r) oick want zijne schult wae(r)/ van drancke en(de) monteringen in cleyne(n) pe(n)neweerden/ die billix voir al gae(n) soude(n) soe es gewijst dat de/ voirs(creven) wille(m) met zijne(n) beleyde p(re)cede(re)n sal in scamp(n)[o]/ cor(am) scab(inis) septembr(is) xvi