Cont zij allen lieden dat jan vranx en(de) zijn huisfr(ouwe) in yege(n)woirdich(eit)/ der scepen(en) van loeven(e) gestaen heeft genomen ende bekint dat hij/ genomen heeft van [willem(me) va(n) thienen als p(ro)cur(eur) va(n)] hee(re)n woute(re)n van hamel hee(re) tot moncheal ende/ maesacker (et)c(etera) ridder Alle de wynnen(de) lande metten nuwenbossche/ en(de) beempde dat onlanx leden lant geweest es soe verre ov(er) met voirde(re)/ will(e)m(me) cauwens voirmaels dat in pechtinghen gehouden heeft/ Te houden te hebben(e) ende te winnen van halfm(er)te naestcomen(de) eene(n)/ t(er)mij(n) van viii ja(r)en lang due(re)nde deen nae dande(r) sonder middel ver/ volgen(de) Elcx jaers daer(en)binne(n) om en(de) voe(r) lxxv mudde harts/ corens pacht van suerbeemde en(de) mate van theyne(n) goet ende/ pyabel met wanne en(de) vede(re)n wel bereit en(de) voir xv mudde/ ghersten als de lande oft de thyende aldair gedraghen alle jaire/ ad vinc(u)la pet(ri) te betalen(e) en(de) te diest oft te loeven(e) oft alsoe verre/ als diest oft loeven(e) te lev(er)en dair mijne(n) hee(re) dat best gelieven/ sal elcken t(er)mijn als v(er)reicte schult Met condicie(n) en(de) voirwerden/ dat de voirs(creven) wynne schuldich sal sijn alle ja(r)e den voirs(creven) t(er)mij(n) lang/ due(re)nde alle de voirs(creven) lande te winne(n) zijn vier geti[de]ge vo(r)en en(de)/ te besayene [met sulcke sade alsoe dat behoirt sonder argelist] tijtlijck gelijck reengenoeten en(de) de thiende die nu t(er)tijt/ in mijns hee(re)n hof inne geleet es sal inne bringhen soe verre/ m(ijn) hee(re) en(de) de winne die co(n)ne(n) in pechtinghen behouden dair/ inne elc van hen beyden zijn beste doen sal dair af de winne/ den jair pacht jairlijcx ten behoirlijken tijde sculdich sal zijn te/ betalen(e) in welcken gevalle van dien de voirs(creven) winne de voirs(creven)/ tiende ten uutgane zijns t(er)mijns in den hoeve laten sal want hij/ die nu metten hove aenvert alsoe verre als m(ijn) hee(re) en(de) de wi(n)ne/ die thiende in die pechtinge co(n)nen gehouden Van welcker thiend(en)/ de voirs(creven) winne den abtd en(de) den p(er)soen alsulke vesticheyt doen sal/ bij den welken dair die abt en(de) de p(er)soen mede te vreden(en) zijn/ zelen It(em) noch es condicie dat de voirs(creven) winne den voirs(creven) t(er)mijn/ lang due(re)nde sculdich sal zijn alle dat stroe en(de) vette comen(de) vand(en)/ voirs(creven) lande en(de) thyenden ten meste maken en(de) bekeere(n) en(de) dat/ vue(re)n op mijns hee(re)n lande en(de) egheene ande(re)n tslants meesten tot/ p(ro)fijte alsoe wel opde veerste als op de naeste als bij den welken/ dat de winne egheen ongemest sayen sal It(em) noch es condicie dat/ de winne schuldich sal sijn den t(er)mij(n) lag due(re)nde alle jaire een/ bont(er) lants wel te overmergelen met goeden witten mergel en(de)/ dien sal mij(n) hee(re) op de cuyle betalen ende de winne sal de vracht/ doen op zijnen last en(de) oft de wi(n)ne dat tot e(n)nige(n) jaire niet/ en(de) dade soe sal hij dair voe(r) sculdich sijn om vi r(inssche) gul(den) mest/ te coepen(e) en(de) op de voirs(creven) lande te vue(re)ne en(de) des sal mij(n) hee(re)/ den eene(n) r(inssche) gulden(en) vand(en) vi[te] betalen It(em) es noch condicie dat/ tstucke raepsaets dat nu voir thof besayt en(de) bevuert staet/ sal dye voirs(creven) winne te sijne(n) af scheyden(e) besayt wel gewo(n)ne(n)/ wel gemest en(de) bevreet laten dat stucke oft ande(re)n (½) bont(er)/ d(aer) dat den winne sal bewesen worden van mijns hee(re)n wege(n)/ / It(em) de winne sal alle jaire mogen hoervruchten drie zillen lants behalve(n)/ dat hij dat sal moeten mergelen oft graven oft mest d(aer)toe coepen en(de)/ dat mesten wel mesten sonder uut mijns tshe(re)n mesthove te voe(re)ne/ It(em) noch es condicie dat de voirs(creven) wynne sculdich sal zijn alle jaire/ den t(er)mij(n) lang due(re)nde alle de voirs(creven) lande wel en(de) loflijc op zijn/ vier getidege vo(r)en te winne(n) te werve(n) te mesten gelijc voirs(creven) es/ en(de) tijtlijc te besayen(e) en(de) ten lesten ja(r)e van sijne(n) t(er)mijne alsoe gewo(n)ne(n)/ geworven gemest en(de) besayt laten met alsulken wint(er)coerene als hem/ dat te dien tijde van mijns he(re)n weghen bevolen worden [sal] ende/ dat den selven art die hij nu besayt vindt en(de) aenveert met/ wint(er)corene ende alle de storte sal de winne sculdich zijn tsijnen/ af scheyden wel o(m)me geackert te laten(e) van voe(r) de winte(r) en(de)/ de brake sal hij o(m)me acke(re)n tot v [vacat]/en(de) mij(n) hee(re) It(em) alle de beempde alsoe v(er)re als willem(me) cauwens die/ in hueringhen gehadt heeft heeft de voirs(creven) winne genomen den/ voirs(creven) t(er)mijn due(re)nde elcx jairs om en(de) voe(r) hondert en(de) twintich/ gulden(en) dertich placken voir den gulden(en) jairlijcx sinte m(er)tensmisse jans(miss)[e]/ half en(de) sintjansmisse [mertensmisse] half te betalen(e) en(de) alle ja(r)e den t(er)mij(n) lang/ due(re)nde sal de winne schuldich zijn mijne(n) hee(re) drie coye te houden(e)/ wint(er) en(de) zomer onder zijn coye gelijc den zijne(n) sonder cortsel oft/ afslach der voirs(creven) weyhue(re)n It(em) de winne sal sculdich sijn alle/ jare den t(er)mij(n) lang due(re)nde alle de vloetgrechten beeken boome(n) en(de)/ roelen aen de voirs(creven) goide te ruymen te veegen en(de) alle quade wege/ en(de) plasse te maken(e) ten behoirlijken tijde des jairs eens Voirt sal/ de voirs(creven) wyn moegen houwen en(de) struncken aen de voirs(creven) goede/ alsoe verre als men dat vortijts met hafteele gehouden heeft als/ dat tijtverdich ende niet eer en(de) des sal de winne schuldich zijn/ alle jare hondert goeder poeten op de goede te setten(e) en(de) die wel/ verdoernen en alle verdroechde boome(n) sal hij mogen afhouwen/ en(de) van elcken verdroechden boom twee leven(de) poeten setten ende/ verdoernen vanden selven aerde Voirt sal de winne sculdich zijn/ alle jaire dat oeft dat wasschen sal op die voirs(creven) goede alsoe v(er)re/ als dat der voirs(creven) wyn te hem werts heeft sal mijn hee(re) al half/ hebben(e) It(em) soe sal de voirs(creven) hee(re) sculdich [sijn] de apelen doen leesen/ half en die wijn voirs(creven) dander hellicht als sij sijn tijtverdich/ en(de) als dat mijnen hee(re) believe(n) sal en(de) als die voirs(creven) appelen/ gelesen zijn dan salmen die appelen in tweeen deylen ende/ die voirs(creven) hee(re) sal hebbe(n) dat een deel en(de) die win dand(er) deel/ vort sal mijn hee(re) moeghen houwen drie vercken(en) en(de) die sal de wy(n)ne/ op tsijne(n) last heerden maer mijn hee(re) sal die vercken(en) anders voeden/ en(de) mijns tshe(re)n hoende(re) en(de) xxv capuyne die op mijns tshe(re)n hof/ boven gehouwen wordden sullen moegen loepen op swinne(n) mesthof/ weyen sonder weder seygen vanden winne It(em) voirt sal de wynne/ alle jare sculdich sijn mijne(n) hee(re) te doen(e) twee voe(re)n op sijnen/ cost tot luydick tot antwerpen oft alsoe verre des sal mijn hee(re)/ / altoes betalen tgoet dat zij vue(re)n sulle(n) It(em) es vorwerde dag mijn hee(re) sal/ coopen oft betalen vier hondert walme(n) en(de) winne drie hondert/ buten gecocht de welke de winne halen moet mijns hee(re)n ende/ de zijne en(de) winne sal dair scudden drie hondert uut zijnen/ stroey goede coop walme(n) en(de) de x hondert sal de winne doen/ verdecken op sijne(n) cost en(de) wande oic houden tot sijne(n) laste/ mair dair toe sal mijn hee(re) leeve(re)n nagel en(de) latten It(em) te weten(e)/ de condicie vanden duifhuise als dat mijn he(re) dat behouden sal/ tsijnen wille mer d(er) voirs(creven) win sal schuldich sijn te geve(n) alle ja(r)e/ sijne(n) t(er)mij(n) lang due(re)nde omtrint sinte andriesmisse ix halst(er) zeme/ linghe oft goeden boectweyt dair voe(r) de duven dair mede te/ voede(re)n en(de) dat sal mijn he(re) doen doen den [duven] gheve(n) den hem believe(n)/ sal It(em) dair voe(r) sal de voirs(creven) win hebben(e) allen dat duve(n) mest/ alle jaire en(de) dat sal de voirs(creven) win schuldich sijn op mijns tshe(re)n/ lande te voiren dair sij des alder best behoeven It(em) noch sal de/ win schuldich zijn alle ja(r)e den t(er)mij(n) lang due(re)nde mijn hee(r) te/ houden(e) op zijne(n) cost onder zijn scape vier hamele die mijn he(r)e/ sal moegen inne en(de) uut setten en(de) verthien(e) alsoe dicke als hem/ believen sal en(de) oft de win e(n)nige scape te voede(re)n helt die sal/ hij sculdich zijn va(n) mijne(n) hee(re) te houwen(e) en(de) van nyema(n)t anders/ It(em) sal mijn he(r)e den wi(n)ne alle ja(r)e den t(er)mij(n) lange due(re)nde sculdich/ zijn te gheven(e) vier ellen levereylakens en(de) des sal de winne/ mijns tshe(re)n meyerie houden soe v(er)re mijne(n) he(r)e dat belieft It(em)/ die win sal jairlijcx moeten leve(re)n oreten oft stroey alsoe vele als mijn/ he(r)e behoeft en sijne(n) rijstal It(em) d(aer) voe(r) sal die win dmest hebb(e)n/ It(em) sal de winne den warmoeshof hebbe(n) tot tsijnen verdoene/ alsoe verre als will(e)ms cauwens dien vortijts te hemwert gehadt/ heeft en(de) mijns tshe(re)n waermoeshof sal uut des winne(n) mesthoeve/ gemest worden sonder des winnen wederseggen It(em) die twee boome(n)/ ooft boomen inden warmoeshof die sal mijn he(r)e te hemwerts/ behouden gelijc hij die bij will(e)ms cauwens gehadt heeft It(em)/ voirt es condicie dat mijn he(r)e sal hebbe(n) te hemwert en(de) behoude(n)/ zijn woni(n)ghe bove(n) metten ande(re)n huyse(n) die hij voirtijts bij will(e)m/ cauwens zijne(n) voir win te hemwerts gehadt heeft It(em) noch dat/ waghen schot geleg(en) aenden scaepstal en(de) noch dair toe sal/ moeghen come(n) op en(de) af rijden alsoe hem belieft en(de) alsoe/ hem toebehoirt Voirt es condicio oft den wi(n)ne e(n)nige scade/ gesciede van orloghe oft van tempeesten oft ontgetijdighe/ weede(r) d(aer)af sal mijn he(r)e cortsel doen gelijc me(n) ande(re)n bove(n) ende/ beneden doet bij alsoe dat de winne mijne(n) hee(r) oft sijne(n) rentmeest(er)/ sculdich sal zijn te cundigen binne(n) xv daghen nae dat die/ schade geschiet sal zijn oft hij en sal gheen ritchtsel dar af/ hebben(e) It(em) sal de voirs(creven) winne te behoerlijcken tijde sculdich/ zijn alle de ooftboome(n) te ontgraven(e) en(de) mestene en(de) weder in/ tijts toestoppen te drie(n) jae(re)n eens cor(am) nausnyde(re) tants dec(embris)/ xvi