Item cornelijs thielens wonen(de) te berthem in p(rese)ncia heeft/ genome(n) ende bekint genome(n) te hebben va(n) janne van/ janne van buetsele als momboir he(n)nekens va(n) berthe(m) na(tuer)lijx/ zone wijle(n) wout(er)s va(n) berthe(m) des jonge(n) neghen boendere/ lants luttel min oft meer gelege(n) te berthe(m) in div(er)sen plaetse(n)/ te houden en(de) te hebben(e) va(n) half m(er)te lestled(en) eene(n) t(er)mijn/ va(n) vi ja(r)en lanck deen nae dande(r) zonder middel v(er)volgen(de)/ elx jaers om en(de) voe(r) de helcht va(n) alle(n) den vruchte(n) ende/ greyne die jairlijx opde voirscr(even) goede wassen sulle(n)/ en(de) tvoirscr(even) core(n) als gedorssche(n) sal zij(n) te loven(e) leve(re)n ten huyse/ des voirs(creven) jans quol(ibet) ass(ecutu)[m] Item es vorw(eer)de dat de voirscr(even)/ wynne sculdich sal zijn te geven(e) den wint(er)coren(e) vier voren/ en(de) wairt datter e(n)nich stuck lants vercreyt oft vuyl wa(r)e dien/ sal hij geve(n) vijf vore(n) der g(er)sten drie vore(n) en(de) der even(en) twee/ vore(n) Item es vorweerde come(n) dat de voirs(creven) wy(n)ne va(n) alle de(n)/ stroo dat vande(n) lande voirs(creven) come(n) sal mest sal maken ende/ al opt voirsc(even) lant vue(re)n Item eest sake dat de voirscr(even)/ jan e(n)nich mest cochte soe sal hem de wy(n)ne voirs(creven) dat vue(re)n/ opt voirs(creven) lant dairt den voirs(creven) ja(n)ne gelieve(n) sal It(em) sal de/ voirscr(even) wy(n)ne sculdich zij(n) te sijne(n) afsceyde(n) storte(n) om te kee(re)n/ alsoet behoirt en(de) gelijck zijne(n) reengenoote(n) It(em) es oick vorw(eer)de/ dat de voirscr(even) wy(n)ne tvoirscr(even) core(n) inden oechst innedoe(n) t(er) mi(n)ster/ moeyte(n) en(de) inde schue(re) doe(n) dieme(n) he(m) ald(air) bewijse(n) sal It(em) es/ vorweerde dat de voirs(creven) wy(n)ne sculdich sal zij(n) de wege(n) en(de)/ beyde grechte(n) te houden en(de) te vegen(e) op zijne(n) cost It(em) sal noch/ de wy(n)ne hebbe(n) eene(n) bempt tsjaers om drie pet(er)s en(de) d(air)voe(r) sal/ de wy(n)ne jairlix betale(n) zijne(n) t(er)mij(n) due(re)nde allen den chijs die/ jairlix uuyte(n) voirs(creven) goeden gaet den welk(en) he(m) afcortsel doen/ sal aende selve drie pet(er)s ende alle dese vorw(eer)d(en) hove naus(nydere)/ ap(ri)lis xxi