Item jan cruyplant cleermake(r) wonen(de) te loven(e) heeft geloeft/ pete(re)n van grieken geheeten van gruene(n)berge van sinte peters/ vissenake en(de) vrancken ghielijs va(n) boensbeke dat hij hen hue(r)/ borgen en(de) goede va(n) nu voirtane allessins los en(de) quijt houd(en)/ sal en(de) ontheffen va(n) alsulke(n) ii pet(er)s lijfpen(sie) den eene(n) aen/ willem(me) kymps en(de) den ande(re)n aen lijsbetten w(er)dy(n)ne m(er)tens va(n)/ thiene(n) van kerckem en(de) va(n) eene(n) rinssche gulden(en) oick lijfpen(sie)/ aen de kinde(re) lijsbettens collarts alsoe de selve p(er)sone(n) met hue(re)n/ borgen ende medeplege(re)n met scepen(en) brieve(n) va(n) loven(e) bekint/ hebben Niet tegenstaen(de) dat hij inde scepen(en) brieve niet/ verbonden en steet ende dat hij de selve lijfpen(sie) met volle(n)/ pachte aflegge(n) sal tusschen dit en(de) kersmesse naestcomen(de) alsoe/ dat de voirscr(even) p(er)sone(n) hue(r) borgen en(de) goede d(aer)aff los en(de) quijt/ selen zij(n) ende blive(n) tot eeuwige(n) dagen vand(en) principale ende/ van allen acht(er)stelligen pachten d(aer)aff v(er)lopen Ende oft de voirs(creven)/ p(er)sone(n) e(n)nigen cost oft last van nu voirtane d(aer)aff gecrege(n) dat/ hij hen d(aer) aff allessins quijt houden sal en(de) ontheffen zij ware(n)/ van rechte oft ande(re) Heeft voirt geloeft de voirscr(even) jan/ cruyplant den voirscr(even) p(er)sone(n) en(de) hue(r) goede scadeloes te/ houden(e) en(de) tontheffen(e) van al tgene des jan hoyxken die/ totten goeden d(er) voirscr(even) p(er)sone(n) geleyt es uuyt saken vanden/ selve(n) beleyde op hen soude conne(n) gewynne(n) met rechte met/ alle(n) costen die d(aer)op loope(n) sulle(n) en(de) geloope(n) zij(n) cor(am) oppendorp/ tants scabinis augusti xviii