Want adam van cav(er)chon als procur(eur) des cloist(er)s va(n) grymberge(n)/ dwelck uuyt crachte va(n) scepen(en) brieve(n) va(n) loven(e) houden(de) en(de)/ besitten(de) es eene rinte va(n) drie pet(er)s erflijck aen en(de) op/ zeke(r) goede oud(er) den ande(re)n h(ier)nae bescr(even) hem oft d(er) stat bode/ in zijne(n) name alle deselve goede heeft doen leve(re)n en(de)/ dach va(n) rechte doen beteeken(en) den erfgename(n) pet(er)s wile(n)/ va(n) calcken va(n) wien de goede come(n) ware(n) en (de) op hen v(er)schen(en)/ met br(ieven) van des(er) stat gescr(even) aenden meye(r) va(n) gry(m)berge(n)/ oft zij tegen de leveringe hadde(n) wille(n) allige(re)n oft de/ / scepen(en) brieve impugne(re)n Tot welke(n) dage op hede(n) dienen(de)/ de voirs(creven) erfgename(n) noch procur(eur) va(n) hue(re)n wege(n) gecompareert/ en is den voirscr(even) procur(eur) trecht voirt v(er)sueken(de) soe v(er)re/ dat de scepen(en) va(n) loven(e) t(er) maniss(en) smeyers gewese(n) hebben voir/ een vo(n)nisse datme(n) den voirs(creven) procur(eur) vand(en) nae gespecific(er)d(en)/ goeden houde(n) soude inde macht va(n) zijne(n) br(ieven) ende/ leveringe(n) alsoe v(er)re alst noch voir scepen(en) come(n) is eisdem
//
Dit zijn de goede/ Ierst van half boender lants gelege(n) te grymberge(n) opt velt/ geheete(n) bruyne(n)borne tussche(n) de goede scloest(er)s van grymb(er)gen/ en(de) de goede matheeus blieck/ Item i(½) dach(mael) soe lants soe eeussels eygens goets alsoet/ gelegen is opt velt geh(eeten) den ruwael tusschen de goede/ de voirs(creven) cloest(er)s en(de) de goede ka(tlij)[nen] le(m)mens/ It(em) een wouwe(r) oft vive(r) houden(de) een dach(mael) luttel min oft/ meer gelege(n) tussche(n) de goede va(n) voirspoel en(de) goede/ beatrijs weduwe symoens wijlen vand(en) da(m)me/