Want arnt de clerck als geleyt nae deser stat recht/ voir zijn wettich gebreck tot allen den goeden beyde have/ ende erve jans mychiels geheete(n) de putte(re) en(de) lijsbetten/ van santvoirt zijns wijfs wair die gelegen zijn hem/ oft pete(re)n comelinck der stat bode in zijne(n) name alle de/ selve goede heeft doen leve(re)n met brieve(n) gescr(even) aenden/ meye(r) va(n) werchte(r) en(de) dach van recht doen beteeken(en)/ den voirscr(even) gehuysschen oft zij tegen den voirscr(even) excucie/ leveringe en(de) dach besceydinge yet [hadde(n) willen] allige(re)n worden/ tot welk(en) dage de voirscr(even) gehuyssche(n) noch procur(eur)/ / van hue(re)n wegen gecompareert en is joh(ann)ese daneels als/ procur(eur) des voirscr(even) geleydden trecht voirt v(er)sueken(de) soe/ v(er)re dat de scepen(en) va(n) loven(e) t(er) manissen smeyers gewes(en) hebbe(n)/ voir een vo(n)nisse nae dat hen behoirlijck heeft gebleke(n)/ bij rappoirt des voirscr(even) pet(er)s comelinck de voirs(creven) execucie/ en(de) dach besceydinge gesciet te zijne wair de wed(er)p(ar)tie/ vand(en) geleyden v niet en quame voe(r) den opstane smeyers/ en(de) der scepen(en) datme(n) den voirscr(even) geleyde(n) vand(en) voirscr(even)/ goeden houde(n) soude inde macht va(n) zijne(n) beleyde ende/ leveringe(n) in alsoe v(er)re alst noch voir scepen(en) come(n) is/ octobr(is) xxi